A CONCELLARIA DE SERVIZOS SOCIAIS, MULLER,
IGUALDADE E SANIDADE DO CONCELLO DE BURELA,
INFORMA QUE:
Dende o día 4 de febreiro
e ata o 14 de febreiro de 2014 (ambos os dous incluídos), as persoas maiores de 65 anos
residentes no Concello de Burela, con preferencia os/as empadroados/as, poderán
inscribirse no PROGRAMA “AXILMENTE”, que terá lugar os MARTES e XOVES de 17 A 18:30 horas na CASA DA TERCEIRA IDADE DE BURELA, dando comezo o martes 18 de febreiro, ata o 15 de maio.
Trátase dun obradoiro de promoción da autonomía persoal, de
carácter gratuíto, baseado na estimulación cognitiva e na prevención da
dependencia, no que se pretenden traballar as variables que determinan o
envellecemento exitoso, de forma que incidindo nelas, as persoas maiores adquiran
as ferramentas necesarias para mellorar a súa calidade de vida, ser autónomas
nas actividades da vida diaria e incorporar unha serie de hábitos de
autocoidado, tanto no ámbito sanitario como no cognitivo.
Este obradoiro, de ximnasia mental, busca o tratamento da
persoa maior como un todo no que se traballan as distintas áreas que son
necesarias para manterse autónomo/a o maior tempo posible e diminuír os
factores de risco de padecer certas enfermidades, sobre todo, o alzheimer o
outras enfermidades neurodexenerativas.
A intervención con maiores convértese non só nun obxectivo
social, senón nunha inversión de futuro. O fin último é previr a dependencia e
afrontar o envellecemento dende unha actitude positiva e aberta.
A inscrición será na Casa do Concello, en horario de 8:00 a
15:00 horas (presentar DNI).
Para calquera dúbida poden poñerse en contacto, no mencionado
horario, chamando ao teléfono 982 58 06 09, ou ben persoalmente.
-GRAZAS POLA SÚA
DIFUSIÓN-
Diana Durán García
Concelleira de
Servizos Sociais, Muller, Igualdade e Sanidade
No hay comentarios:
Publicar un comentario