Ata o vindeiro 21 de marzo estará
aberto o prazo de renovación e de preinscrición na Escola Infantil A
Galiña Azul para o curso 2014/15, segundo informa a Concellería de
Servizos Sociais, Muller, Igualdade e Sanidade.
Diana Durán sinala que “para entregar a documentación é preciso pedir
cita previa no teléfono da escola infantil: 982 58 12 28”. A lista
provisional publicarase o 2 de maio. As reclamacións poderanse presentar
do 3 ao 12 dese mes, a lista definitiva publicarase o 27 de maio e a
matrícula do curso formalizarse do 28 de maio ao 10 xuño. A data de
inicio do curso está prevista para o 4 de setembro.
A edil popular explica que “quen así o desexe poderá consultar a
resolución da Xerencia do Consorcio Galego de Servizos de Igualdade e
Benestar onde se anuncia o prazo de reserva da praza, preinscrición de
novo ingreso e matrícula para o curso 2014/15 no taboleiro de anuncios
do Concello de Burela ou na propia escola infantil así coma os anexos
para cubrir os datos e onde aparece a documentación necesaria a entregar
e o novo baremo, entre outros. Tamén se poderá consultar na seguinte
páxina web: www.igualdadebenestar.org”.
No hay comentarios:
Publicar un comentario