GONZÁLEZ BARCIA REUNÍUSE EN SANTIAGO COA
SECRETARIA XERAL DE IGUALDADE. AMBOS DESTACARON O TRABALLO QUE SE ESTÁ A
REALIZAR DESDE O CONCELLO DE BURELA EN MATERIA DE IGUALDADE E CONTRA A
VIOLENCIA DE XÉNERO. O REXEDOR CONFÍA EN QUE A LIÑA DE COLABORACIÓN ENTRE AMBAS
INSTITUCIÓNS SE MANTEÑA.
No encontro, a Secretaria Xeral da Igualdade valorou moi positivamente o
traballo que se está a desenvolver no Concello de Burela en materia de
igualdade e contra a violencia de xénero.
O pasado ano o Concello de Burela a través da orde para entidades locais
recibiu una subvención de máis de 50.000 euros: 45.000 para o mantemento do
Centro de Información á Muller de Burela e 6.200 euros para levar a cabo un
programa de promoción da Igualdade.
Desde a Secretaría Xeral de Igualdade subliñaron que “o Concello de Burela
é un dos 30 concellos da provincia de Lugo que está adherido á Rede de
entidades locais contra a violencia de xénero de Galicia. Así, no pasado mes de
decembro o Burela acolleu a representación de I´ll be Watching
You, un espectáculo pedagóxico, lúdico e musical que analiza os roles
de xénero a través das cancións de amor e busca sensibilizar aos adolescentes
ante condutas violentas”.
O rexedor dixo que “a liña de colaboración entre a Secretaría Xeral de
Igualdade e o Concello é moi intensa e
moi positiva. As subvencións que recibimos son as maiores ás que un Concello
desta tipoloxía pode acceder”. González Barcia amosouse convencido de que “esa
liña terá continuidade tanto desde o equipo de goberno municipal como desde a
Xunta, que con bo criterio aposta polos concellos nos que as cousas neste
ámbito, no da violencia de xénero, se están a facer ben”.
No hay comentarios:
Publicar un comentario