O PADROADO DA FUNDACIÓN EU SON VE POSITIVO O FUNCIONAMENTO DO CENTRO DE DÍA DE BURELA

GONZÁLEZ BARCIA E DIANA DURÁN FAN UN BALANCE MOI POSITIVO DO PRIMEIRO MES DE FUNCIONAMENTO DO CENTRO DE DÍA PARA A PROTECCIÓN DAS PERSOAS CON DISCAPACIDADE INTELECTUAL DA FUNDACIÓN EU SON. E LEMBRAN QUE ESTE EQUIPAMENTO É COMARCAL. CALQUERA PERSOA QUE PRECISE UTILIZALAS DEBE DIRIXIRSE AOS SERVIZOS SOCIAIS DE REFERENCIA NO SEU CONCELLO.
   

O alcalde, José Mª González Barcia, e a concelleira de Servizos Sociais, Diana Durán, fan un balance moi positivo do primeiro mes de funcionamento do centro de día para a protección das persoas con discapacidade intelectual da Fundación Eu Son.

Éste foi un dos asuntos abordados na xuntanza do padroado celebrada este mediodía do día de onte.

Barcia e Durán subliñaron que “este mes foi moi positivo tanto para os beneficiarios e usuarios de centro coma para os propios profesionais que traballan alí”. O centro de día da Fundación Eu Son funciona de 10 a 18 horas de luns a venres, conta con comedor e nas súas instalacións préstanse coidados persoais, atención individual e de saúde, programa psicosociais, rehabilitación menor e atención psicolóxica. No centro traballan: un psicólogo, un terapeuta ocupacional, un técnico de integración social, un fisioterapeuta, unha educadora e coidadores. 

 Diana Duran indica que “tamén conta cos profesionais que xa estaban no centro ocupacional da Fundación Eu Son: un mestre en audición e linguaxe e os monitores dos obradoiros de cerámica e de elaboración de nasas”. O obradoiro de cerámica recibía hai uns meses o recoñecemento de Artesanía de Galicia por parte da Xunta.

O rexedor e a responsable de Servizos Sociais, presidente e vocal do padroado da Fundación Eu Son, aseguraron que “na actualidade o centro de día conta con seis usuarios, que son de Burela. Hai que lembrar que este equipamento é comarcal e que calquera persoa doutro concello que precise da súa utilización o único que ten facer é comunicarllo ao seus servizos sociais de referencia. Temos dúas persoas máis que solicitaron información sobre o funcionamento do centro. A forma de acceso pode ser privada ou a través do sistema de dependencia da Xunta de Galicia”.

Diana Durán dixo que “por parte do quipo de goberno o que pretendemos foi equiparar económicamente o centro de día co centro ocupacional que leva 15 anos funcionando e así se fixo”. A concelleira de Servizos Sociais e o alcalde engadiron que “para nós os servizos sociais son prioritarios, tal e como estamos demostrando con feitos desde que chegamos ao Concello. O centro de día da Fundación Eu Son leva un mes funcionando, grazas ás xestións que realizamos desde o equipo de goberno”.

Outros dos asuntos abordados na xuntanza do padroado da Fundación Eu Son foron as subvencións solicitadas durante o presente ano 2012 e o certificado de calidade ISO 9001 para o centro ocupacional”.

A UNIDADE DE ATENCIÓN TEMPERÁ, QUE CADA ANO ATENDE A 100 NENOS E NENAS DA COMARCA DA MARIÑA, CAMBIA DE UBICACIÓN. SEGUIRÁ NA CASA DO MAR, PERO ESTARÁ NA PRIMEIRA PRANTA. DIANA DURÁN EXPLICA QUE “SE GAÑA EN ESPACIO E SE MELLORA A CALIDADE DO SERVIZO QUE SE PRESTA”.

A unidade de atención temperá cambia de ubicación. O director do Hospital da Costa, José Insua, o alcalde de Burela, José Mª González Barcia, e a concelleira de Servizos Sociais, Diana Durán, visitaron as que serán as novas instalacións deste centro cara finais do presente ano. 

Diana Durán e González Barcia explicaron que “a unidade está a funcionar na pranta baixa da Casa do Mar. E agora a instalación pasará á primera pranta, porque conta máis superficie e con máis luz para atender en mellores condicións aos nenos e nenas da comarca da Mariña”. As novas dependencias estánse a adecuar para albergar a partires de finais deste 2012 á unidade de atención temperá, “imos gañar en calidade na prestación do servizo”.

O alcalde e a concelleira de Servizos Sociais lembraron que “dita unidade ten carácter comarcal, aínda que o Concello de Burela asume a práctica totalidade dos gastos derivados do persoal xunto ao Hospital da Costa. O centro hospitalario fáise cargo da fisioterapeuta e o Concello da psicóloga e da pedagoga”.

A unidade de atención temperá de Burela presta un conxunto de intervencións dirixidas á poboación infantil de 0 a 6 anos, á familia e á comunidade e ten como obxectivo atender o máis axiña posible as necesidades transitorias ou permanentes que presenten os nenos/as con trastornos no seu desenvolvemento ou que teñan risco de padecelos. En dita unidade traballan profesionais de orientación disciplinar con formación específica en atención temperá.

Pola unidade de atención temperá de Burela pasan ao ano 100 nenos e nenas da comarca da Mariña. Diana Durán sinala que “a atención temperá contémplase como atención global ao neno/a e á súa familia nos primeiros meses ou anos da súa vida”. 

González Barcia agradece “a colaboración da Consellería de Sanidade a través do Sergas, e a implicación da Consellería de Traballo e Benestar para poder cambiar a ubicación do centro. Quero facer un agracedemento especial á conselleira Beatriz Mato e á delegada territorial da Xunta en Lugo, Raquel Arias”. O rexedor tamén recoñeceu “o traballo que se está a facer desde a unidade de atención temperá” e considera que “este cambio de ubicación non é mais ca un novo exemplo da absoluta implicación que o Concello de Burela ten cos servizos sociais. Si alguén pensaba o contrario, xa pode cambiar de opinión”. 

Visitaron as futuras instalacións da unidade de atención temperá de Burela, o director do Hospital da Costa, o alcalde burelés e a concelleira de Servizos Sociais.

O CONCELLO DE BURELA INCREMENTA O SERVIZO DE AXUDA NO FOGAR

O CONCELLO DE BURELA INCREMENTA O SERVIZO DE AXUDA NO FOGAR DE ATENCIÓN A PERSOAS DEPENDENTES E PASA A PRESTAR UN TOTAL DE 16.608 HORAS ANUAIS.

O Concello de Burela reforza a atención a persoas en situación de dependencia a través do servizo de axuda no fogar a dependentes. En total prestará 16.608 horas anuais.

O Alcalde de Burela, José González Barcia, confirmou coa Conselleira de Traballo e Benestar, Beatriz Mato, a ampliación do servizo de atención a dependentes financiado pola Xunta de Galicia. González Barcia declarou que, “con este apoio da Xunta, a través da Secretaría Xeral de Dependencia e Autonomía Persoal, conseguimos atender a un número maior de persoas con grao e nivel de dependencia recoñecidos polo Sistema Galego de Atención á Dependencia (SAAD) e así igualarnos á media de atención da comunidade autónoma mediante o servizo de axuda no fogar”.

Nesta liña a concelleira de Servizos Sociais, Diana Durán asegurou que “se verán beneficiadas varias das persoas que estaban en lista de agarda, lista que vén dada pola propia xefatura territorial en Lugo da Consellería de Traballo e Benestar e que se xestiona mediante unha ferramenta informática que é o SIGAD (Sistema de Información Galego de Atención á Dependencia) a través do módulo PAR-SAF (Programa de Asignación de Recursos do Servizo de Axuda no Fogar), en función do baremo acadado de cada persoa usuaria”.

Alcalde e concelleira ven nesta actuación “unha medida moi vantaxosa non só para as persoas dependentes, senón tamén para a súa familia, medida que tamén afectará á cobertura do servizo de axuda no fogar básico, xa que varias das persoas que pasan ao servizo de dependencia proveñen deste programa, polo que tamén serán dados de alta neste último trimestre do ano casos novos deste servizo”.

O equipo de goberno municipal burelés segue a amosar o seu compromiso coa terceira idade e coas persoas en situación de dependencia ao igual que o goberno autonómico de Alberto Núñez Feijoo, que a través da Consellería de Traballo e Benestar vén de por en marcha o Plan Galego das Persoas Maiores 2010-2013, Horizonte 2015, instrumento que nos vindeiros anos servirá en Galicia para converter nun dos grandes eixes neurálxicos da acción do goberno do Partido Popular as políticas e actuacións destinadas a promover a atención e a calidade de vida das persoas maiores.

Entre o servizo de axuda no fogar básico e o destinado a dependentes o Concello de Burela atende a 74 unidades familiares.

O CONCELLO ACABA DE RECIBIR UNHA SUBVENCIÓN DA XUNTA DE MÁIS DE 28.000 EUROS PARA A REALIZACIÓN DE PROGRAMAS DIRIXIDOS Á POBOACIÓN INMIGRANTE. DIANA DURÁN ASEGURA QUE OS SERVIZOS SOCIAIS SEMPRE FORON UNHA PRIORIDADE PARA O EQUIPO DE GOBERNO MUNICIPAL.

O Concello acaba de recibir unha subvención da Xunta de máis de 28.000 euros para a realización de programas dirixidos á poboación inmigrante. A edil de Servizos Sociais subliña o apoio que a Xunta lle está a dar ao Concello burelés e ás entidades sen ánimo de lucro da vila. 

Diana Durán indicou que “a Xunta de Galicia lle segue a brindar o total apoio ao propio Concello e ás entidades sen ánimo de lucro da vila”. A concelleira popular explica que “dende a administración local se solicitou, entre outras, unha subvención á Secretaría Xeral de Emigración para a realización de proxectos destinados ao asesoramento e á formación da poboación inmigrante extracomunitaria na comunidade autónoma galega, para este exercicio de 2012”.

A responsable de Servizos Sociais sinala que “Burela ven de recibir esta subvención por importe de 28.168,48 euros para o desenvolvemento de programas dirixidos ao Punto de Información e Asesoramento e para a formación na Aula de Adultos do Programa de Integración de Inmigrantes. Estamos moi satisfeitos porque se trata do 100% do solicitado”.

José María González Barcia, alcalde de Burela, constata que “con esta subvención da Secretaría Xeral de Emigración podemos seguir traballando sobre a realidade migratoria e a gran traxectoria da mesma ao longo de moitos anos no noso termo municipal. Esta subvención permítenos seguir apostando polo funcionamento do Programa de Integración de Inmigrantes, que conta cun equipo técnico que leva demostrado con creces a súa valía e profesionalidade para traballar por e para o colectivo das persoas inmigrantes”. 

Diana Durán sinalou que “mentres a oposición adopta a actitude da mentira negando o traballo dos Servizos Sociais en Burela desde a Xunta séguese a prestar apoio ás iniciativas de carácter social, tanto ás que realizamos desde o Concello como ás que levan adiante entidades sen ánimo de lucro. Para mostra aí temos os 44.000 euros que recibiu o CIM de Burela, a subvención de 11.464 euros que nos concederon para desenvolver programas dirixidos á redución do abandono escolar, a recente apertura do Centro de Día de Discapacidade Intelectual da Fundación Eu Son, o incremento de horas de prestación do servizo de axuda no fogar de modalidade Dependencia, os distintos obradoiros das persoas maiores e das mulleres, a adxudicación da nova escola infantil, etc...os datos falan por si mesmos e a cidadanía debe coñecelos e valoralos”. 

Alcalde e concelleira recordan que os servizos sociais “sempre foron unha prioridade para o equipo de goberno municipal e a mellor maneira de demostralo é con feitos, tal e como se está a facer”.

A EDIL POPULAR DIANA DURÁN PRESENTA A EXPOSICIÓN "O TEU CAFÉ, BO PARA TODO O MUNDO"

Dende o PROGRAMA DE ATENCIÓN A INMIGRANTES da Concellería de Servizos Sociais, Muller, Igualdade e Sanidade do Concello de Burela como socio do Fondo Galego de Cooperación e Solidariedade e en colaboración coa Ong Panxea, queremos apoiar a iniciativa do Fondo Galego de divulgar e sensibilizar a poboación da realidade social do mundo que nos rodea. 

No mes de outubro celébrase en moitos países europeos a semana contra a pobreza e aquí en Galicia, gracias á axuda das diferentes ongs, podemos dar a coñecer distintas visións sobre o desenvolvemento socioeconómico e a grande diversidade de situacións que se dan no mundo actual. 

Dende aquí, eliximos a exposición titulada “O teu café, bo para todo o mundo”, un conxunto de 10 paneis de cartón pluma. Nesta ocasión, debido á temática da citada exposición, quixemos implicar ao comercio hosteleiro do noso pobo na dita actividade, polo que ao longo do mes de outubro os paneis están ubicados en distintas cafeterías e/ou restaurantes do municipio, concretamente ata mediados de mes están no Bar Da Costa e Bar Estación e dende esta data a finais de mes estarán no Valle de Oro e Doner Kebab.

Queremos agradecerlles aos participantes nesta iniciativa a súa implicación e colaboración con nós, así como animar ao público en xeral a súa visualización.

SERVIZOS SOCIAIS DE BURELA CHAMA A PARTICIPAR NUNHA XUNTANZA A FAMILIARES DE PERSOAS ENFERMAS DE ALZHEIMER

TRAS O PRIMEIRO ENCONTRO MANTIDO CON FAMILIAS DE ENFERMOS DE ALZHEIMER PARA VER AS POSIBLES AXUDAS A PRESTAR A ESTAS PERSONAS COIDADORAS DESDE O CONCELLO, ALCALDE E CONCELLEIRA INVITAN A UN SEGUNDO ENCONTRO A TODAS AS FAMILIAS QUE DESEXEN ASISTIR. SERÁ HOXE LUNS, 8 DE OUTUBRO.

O alcalde, José Mª González Barcia, e a concelleira de Servizos Sociais, Diana Durán, tras unha primeira toma de contacto con 15 familiares de persoas enfermas de alzheimer para ver as posibles axudas que desde o Concello de Burela se lles poidan prestar a estes coidadores, animan a todas aquelas familias afectadas por esta doenza a unha segunda xuntanza que se celebrará hoxe luns, 8 de outubro, ás 12 horas, na Casa do Concello.

O alcalde sinalou que “en principio a nosa intención, e así se lles expuxo, é a de colaborar na medida das nosas posibilidades con estes coidadores de enfermos de alzheimer. É unha situación moi complexa, que ás veces incluso carrexa mesmo problemas de saúde para os propios coidadores. Nós somos conscientes que desde o Concello de dalgunha forma hai que botarlles unha man”.

González Barcia lembrou que “agora mesmo aquí, en Burela, hai un centro de día, na residencia da terceira idade, onde se acolle a persoas que padecen alzheimer ademais doutras enfermidades neurodexenerativas. E desde o Concello nos brindamos fundamentalmente a colaborar con eles na organización dunha asociación que aglutine aos coidadores, ás familias dos enfermos de alzheimer, para axudarlles na tramitación de toda a documentación e conseguir así liñas de axuda, subvencións, etcétera para paliar esa situación que os coidadores moitas veces teñen. Neste sentido a intención nosa é poñelos en contacto con colectivos semellantes que están xa traballando e operando noutros puntos da nosa comunidade autónoma”.

Alcalde, concelleira de Servizos Sociais e familiares manterán un novo encontro no día de hoxe “para acabar de concretar e definir a constitución da asociación e ver qué pasos comezamos a dar”, sinalou Diana Durán.

Así mesmo a concelleira burelesa aclarou que “o obxectivo do primeiro encontro era manter un contacto inicial con familiares de enfermos de alzheimer, usuarios do centro de día de maiores, porque dalgunha maneira podíamos valorar as necesidades que presentan estas familias tanto de Burela como da comarca da Mariña en xeral, pero con esto non quere dicir que se exclúan calquera outros familiares que non sexan beneficiarios deste equipamento. Entendemos que á xuntanza do vindeiro luns deberían acudir todas as familias que o desexen e así llo facemos chegar para aunar esforzos entre todos e deseñar liñas de actuación específicas para este colectivo”.

González Barcia dixo ser consciente “dos efectos positivos que pode e debe ter a constitución desta asociación. A consecución de axudas, subvencións, etcétera, non se van plasmar nin tan sequera a medio prazo, os efectos vanse a ver a longo prazo, pero eu creo que desde a administración municipal temos que abrir unha porta á colaboración con esas persoas na medida das nosas posibilidades. Somos plenamente conscientes de que os recursos agora mesmo son limitados, pero eu creo que si colaboramos con eles e si nos organizamos os logros poden e deber vir, sempre en beneficio precisamente desas persoas que viven día a día e de forma moi directa as implicacións e a consecuencias das enfermidades neurodexenerativas”.

E engadiu que “a concelleira de Servizos Sociais, Diana Durán, vai comezar xa a dar pasos nese sentido, coñece ao persoal de Servizos Sociais, e nesa reunión do vindeiro luns, 8 de outubro, seguramente que acabaremos por concretar e por definir cales van ser os primeiros pasos que imos dar para intentar axudar na medida das nosas posibilidades a esas persoas”.

O CENTRO DE DÍA PARA PERSONAS CON DISCAPACIDADE INTELECTUAL DA FUNDACIÓN EU SON ABRE AS PORTAS DENTRO DO PRAZO ESTIPULADO POLA CONCELLEIRA DE SERVIZOS SOCIAIS DIANA DURÁN

O LÚNS DÍA 1 DE OUTUBRO ABRIU AS SÚAS PORTAS EN BURELA O CENTRO DE DÍA PARA PERSOAS CON DISCAPACIDADE INTELECTUAL DA FUNDACIÓN EU SON. GONZÁLEZ BARCIA DESTACA A POSTA EN MARCHA DUN PROXECTO QUE NO SEU DÍA INICIOU O PP. DIANA DURÁN SUBLIÑA A IMPORTANCIA QUE TERÁN ESTAS INSTALACIÓNS PARA AS PERSOAS USUARIAS E PARA AS SÚAS FAMILIAS.

 

Este luns abriu as súas portas en Burela o centro de día para persoas con discapacidade intelectual da Fundación Eu Son, segundo daba a coñecer a concelleira de Servizos Sociais, Diana Durán.

O horario de funcionamento será de dez da mañá a seis da tarde de lunes a venres. Contará con comedor, coidados persoais e atención individual e saúde, programas psicosociais, rehabilitación menor e atención psicolóxica. O centro de día da Fundación Eu Son contará cunha psicóloga, con terapeuta ocupacional, técnico de integración social, mestre en audición e linguaxe, monitores de obradoiros, fisioterapeuta e coidadores.

Durante o mes de setembro houbo un período de adaptación entre familias, persoas usuarias e profesionais, para que agora en outubro se fixese efectiva a apertura do centro de día para persoas con discapacidade intelectual.

Diana Durán amósase moi satisfeita da apertura do centro de día para persoas con discapacidade intelectual, pertencente á Fundación Eu Son, da que é vocal do padroado xunto ao Alcalde de Burela, José Mª González Barcia, presidente do mesmo. A edil popular sinalou que “pouco a pouco fomos cumprindo os prazos que nos marcamos ata chegar a este importante día”.

O alcalde de Burela deixou constancia de que “este equipo de goberno traballa, resolve problemas e pon en marcha servizos” e lembrou que “este proxecto naceu na anterior etapa do equipo de goberno do PP e sorprendentemente durante cuatro anos non se fixo absolutamente nada ao respecto. Que cadaquen saque as súas propias conclusións”.

A delegada burelesa de Servizos Sociais dixo que “o alcalde José Mª González Barcia e máis eu mesma tratamos este tema, de absoluta prioridade para o noso equipo de goberno, coa secretaria autonómica de Política Social, Coro Piñeiro, e coa conselleira de Benestar, Beatriz Mato. E xunto á dirección do centro tamén se mantiveron varias reunións coa Xefatura Territorial da Consellería de Traballo e Benestar en materia de dependencia”. 

A edil popular indicou que “non foi unha labor fácil, mais ben todo o contrario, pero non por iso se deixou de traballar, e agora o que era un proxecto acaba de converterse en realidade, nunha realidade moi importante tanto para as persoas usuarias do centro como para as súas familias”.

José María González Barcia manifestou que “en escasamente ano e medio puxemos en marcha servizos e resolvemos problemas que en catro anos brillaron pola súa ausencia. Esta liña de traballo continuará durante os tres vindeiros anos”. O alcalde de Burela agarda que “os que non iniciaron nada sobre este asunto e os que dicían que nunca se abriría agora saiban recoñecer o traballo desenvolvido para poñelo en marcha”.

O centro de día da Fundación Eu Son bota a andar con 6 usuarios e tres persoas máis están pendentes de iniciar os trámites para comezar a empregar estas instalacións, que contan con 20 prazas de capacidade.

Durán e González Barcia, que visitaron o centro nas últimas horas, sinalaron que “é de ámbito comarcal e que calquera persoa que queira beneficiarse deste equipamento pode poñerse en contacto cos servizos sociais do seu Concello, do de Burela ou coa propio dirección da Fundación Eu Son, xa que están totalmente coordinados”.

BURELA ADHERIRÁSE AO PROTOCOLO PARA A PROTECCIÓN DAS VÍTIMAS DE VIOLENCIA DOMÉSTICA E DE XÉNERO E CONVERTIRÁSE NUN DOS PRIMEIROS CONCELLOS DA COMARCA NA SÚA IMPLANTACIÓN.

Burela adherirase ao Protocolo de colaboración e coordinación entre as forzas e corpos de seguridade do Estado e os corpos de Policía Local para a protección das vítimas de violencia doméstica e de xénero, atendendo así á proposta realizada desde a Subdelegación do Goberno en Lugo e converténdose nun dos primeiros concellos da comarca na súa implantación.   

A concelleira de Servizos Sociais, Diana Durán, sinala que “a Administración Local como a instancia máis próxima ao cidadán, configúrase coma un espazo privilexiado para a intervención coas vítimas de violencia de xénero do termo municipal. É por iso, polo que tanto dende a Concellería de  Servizos Sociais, Muller, Igualdade e Sanidade como dende a de Concellería de Obras, Urbanismo, Trafico e Protección Civil, valoramos positivamente a iniciativa proposta pola Subdelegación do Goberno en Lugo de adhesión ao devandito protocolo asinado no ano 2006 polo presidente da FEMP e polo anterior Ministro de Interior”.

O equipo de goberno entende que “a adhesión ao referido protocolo por parte do Concello de Burela será moi positiva tanto para as vítimas de violencia de xénero xa que incrementaría a súa percepción de seguridade, como tamén polo feito de que as autoridades locais, os distintos partidos políticos e a sociedade en xeral, se impliquen en combater a inaceptable situación de permanente inseguridade que sofren moitas mulleres”. 

Diana Durán subliñou que “o obxectivo fundamental do presente protocolo é establecer os criterios básicos de colaboración e de coordinación que permitan optimizar os recursos humanos e materiais das Forzas e Corpos de Seguridade existentes no temo municipal de Burela, para garantir o cumprimento eficaz das medidas xudiciais do protección ás víctimas de violencia de xénero, de conformidade co disposto no artigo  31.2 da L.O. 1/2004”. 

A responsable dos Servizos Sociais en Burela dixo que “a colaboración entre as Forzas e Corpos de Seguridade do Estado y os Corpos de Policía Local nesta materia guiarase, en todo caso, polos seguintes criterios:

1.Proporcionar ás vítimas unha resposta policial da maior rapidez e eficacia nas situacións de risco.

2.Proporcionar unha resposta policial da máxima sensibilidade, calidade e eficiencia na atención e protección ás vítimas e evitar ás actuacións que supoñen un incremento da vitimización, especialmente a duplicidade de intervencións.

3.Proporcionar á vítima información clara e accesible sobre os dereitos recoñecidos na Lei Orgánica 1/2004 e dos recursos existentes para a efectividade de tales dereitos no ámbito territorial correspondente.

4.Facilitar a transmisión entre as Forzas e Corpos de Seguridade e os órganos xudiciais de toda a información relevante para a protección da vítima”.

Desde o equipo de goberno cren firmemente que a iniciativa proposta pola Subdelegación do Goberno en Lugo de adhesión ao citado protocolo “é necesaria no noso termo municipal”. Éste será un dos asuntos que se debatan no pleno que se celebrará no Concello de Burela o día de hoxe, xoves 27 de setembro, ás 20 horas.

O ALCALDE E A CONCELLEIRA DE SERVIZOS SOCIAIS MANTIVERON UN ENCONTRO CON FAMILIAS DE ENFERMOS DE ALZHEIMER PARA VER AS POSIBLES AXUDAS A PRESTAR A ESTES COIDADORES DESDE O CONCELLO. A XUNTANZA CELEBROUSE O DÍA MUNDIAL DESTA ENFERMIDADE.

O alcalde, José Mª González Barcia, e a concelleira de Servizos Sociais, Diana Durán, mantiveron un encontro con 15 familiares de enfermos de alzheimer para ver as posibles axudas que desde o Concello de Burela se lles poidan prestar a estes coidadores. 

O rexedor explicou que “en principio a nosa intención, e así se lles expuxo, é a de colaborar na medida das nosas posibilidades con estes coidadores de enfermos de alzheimer. É unha situación moi complexa, que ás veces incluso carrexa mesmo problemas de saúde para os propios coidadores. Nós somos conscientes desde o Concello de que dalgunha forma hai que botarlles unha man”.

González Barcia lembrou que “agora mesmo aquí, en Burela, hai un centro de día, na residencia da terceira idade, onde se acolle a persoas que padecen alzheimer ademais doutras enfermidades neurodexenerativas. E desde o Concello nos brindamos fundamentalmente a colaborar con eles na organización dunha asociación que aglutine aos coidadores, ás familias dos enfermos de alzheimer, para axudarlles na tramitación de toda a documentación e conseguir así liñas de axuda, subvencións, etcétera para paliar esa situación que os coidadores moitas veces teñen. Neste sentido a intención nosa é poñelos en contacto con colectivos semellantes que están xa traballando e operando noutros puntos da nosa comunidade autónoma”.

Alcalde, concelleira de Servizos Sociais e familiares manterán un novo encontro o día 8 de outubro, luns, “para acabar de concretar e definir a constitución da asociación e ver qué pasos comezamos a dar”, sinalou Diana Durán.

O rexedor dixo ser consciente “dos efectos positivos que pode e debe ter a constitución desta asociación. A consecución de axudas, subvencións, etcétera non se van plasmar nin tan sequera a medio prazo, os efectos vanse a ver a longo prazo, pero eu creo que desde a administración municipal temos que abrir unha porta á colaboración con esas persoas nas medida das nosas posibilidades. Somos plenamente conscientes de que os recursos agora mesmo son limitados, pero eu creo que si colaboramos con eles e si nos organizamos os logros poden e deber vir, sempre en beneficio precisamente desas persoas que viven día a día e de forma moi directa as implicacións e a consecuencias das enfermidades neurodexenerativas”.

E engadiu que “a concelleira de Servizos Sociais, Diana Durán, vai comezar xa a dar pasos nese sentido, coñece ao persoal de Servizos Sociais, e nesa reunión do luns día 8 de outubro seguramente que acabaremos xa por concretar e por definir cales van ser os primeiros pasos que imos dar para intentar axudar na medida das nosas posiblidades a esas persoas”. 

O encontro producíase na xornada na que se celebra o día mundial do alzheimer, o pasado venres 21 de setembro.

O EQUIPO DE GOBERNO DESTINA 4.000 EUROS ÁS AXUDAS PARA A ADQUISICIÓN DE MATERIAL ESCOLAR PARA O CURSO 2012/13. ATA O VINDEIRO 10 DE OUTUBRO PODERÁN SOLICITARSE NO DEPARTAMENTO DE SERVIZOS SOCIAIS.

O Concello de Burela a través da delegación de Servizos Sociais convoca as axudas para adquisición de material escolar para o curso 2012/13. Están destinadas ós/ás alumnos/as empadroados/as e escolarizados/as en Burela nos seguintes cursos: Infantil (3, 4 e 5 anos), Educación Primaria e Educación Secundaria Obrigatoria.

Segundo informa a Concellería de Servizos Sociais poderán solicitar ditas axudas:

1.- Todas aquelas persoas que non dispoñan de ingresos suficientes para afrontar os gastos derivados para este concepto; é decir, que os ingresos non sexan superiores ao importe do subsidio básico máis o complemento familiar de RISGA (Renta de Integración Social de Galicia) que lle correspondería a cada caso en función do número de persoas que conforman cada unidade familiar, entendendo por esta a composta por nais, pais, titores/as ou acolledores/as e os/as menores.

2.- Estar empadroados en Burela.

3.- Estar matriculados/as en centros de ensinanza ubicados no termo municipal de Burela.

4.- Presentar a solicitude dentro do plazo sinalado, xunto á documentación esixida.

Diana Durán subliña que “o Concello de Burela destina para este curso escolar 4.000 euros para facer frente ás axudas de material escolar. Dende a Concellería de Servizos Sociais priorizamos esta partida á hora de facer os presupostos. No curso anterior 2011/12 destináronse 1.700 euros a este fin, xa que os presupostos estaban feitos polo anterior goberno bipartito, e nós agora incrementámola ata os catro mil euros”.

O importe máximo de cada unha das axudas non superará:

- 75 euros para Educación Infantil.
- 60 euros para Educación Primaria e Educación Secundaria Obligatoria.

O prazo de presentación de solicitudes rematará o 10 de outubro. As solicitudes realizaranse no departamento municipal de Servizos Sociais do Concello de Burela, a onde as persoas interesadas se dirixirán para que se lles facilite a solicitude xunto coa documentación que deben achegar.

O ALCALDE DE BURELA AGRADECE A VISITA DA REPRESENTANTE DA XUNTA DE IGUALDADE

GONZÁLEZ BARCIA ASEGURA QUE A VISITA DA SECRETARIA XERAL DE IGUALDADE É UN RECOÑECEMENTO DA XUNTA Á IMPORTANCIA QUE TEÑEN EN BURELA OS SERVIZOS SOCIAIS. O EQUIPO DE GOBERNO SEGUIRÁ A TRABALLAR NA MESMA LIÑA QUE ATA O DE AGORA.

O alcalde de Burela, José Mª González Barcia, valorou de xeito moi positivo a visita cursada durante o martes 11 de setembro ao Concello e a varios centros privados pola Secretaria Xeral de Igualdade, Susana López Abella. Para Barcia trátase dun recoñecemento da Xunta á importancia que os servizos sociais teñen en Burela.

O rexedor dixo que a visita de López Abella “significa un recoñecemento explícito por parte da Xunta da importancia que os servizos sociais están a ter en Burela. Tamén o respaldo do propio goberno galego ás políticas que en materia de igualdade se están a levar a cabo desde este Concello e desde institucións privadas coma o centro San Aníbal”.

González Barcia lembrou que “desde a Secretaría Xeral de Igualdade se concederon prácticamente 45.000 euros de subvención para o CIM de Burela. Trátase da cifra máis importante concedida en toda Galicia a este tipo de centros e é a cifra máis alta á que se podía optar”. O alcalde burelés dixo que “o CIM foi posto en marcha por un equipo de goberno do PP, cando era concelleira de Servizos Sociais, Raquel Río, e agora ten continuidade con toda a forza que podemos ter neste momento con outro goberno do PP, pero antes e agora contamos co apoio decidido da Xunta de Galicia”.

José Mª González Barcia subliñou o recoñecemento que con esta visita de Susana López Abella “se está a facer ao traballo que en materia de igualdade e servizos sociais se realiza non só desde o Concello senón tamén ao que se fai desde a congregación relixiosa das Hijas del Divino Celo. Nós desde o Concello somos conscientes que si un día houbese que pechar as instalacións desta congregación relixiosa teríamos un problema moi serio en materia de prestación de servizos sociais aquí en Burela porque nin nós nin a Xunta temos agora mesmo capacidade suficiente para xestionar servizos sociais como o están a facer elas”. 

O alcalde de Burela amosóuse satisfeito pola visita da secretaria xeral de Igualdade e indicou que “seguiremos a traballar exactamente igual que o fixemos na etapa anterior, exactamente igual que o estamos a facer este ano sin mermar ningún tipo de servizo. Estamos facendo prácticamente o mesmo que hai un ano, poñendo incluso en marcha outros servizos coma o centro de traducción para persoas maltratadas e a nosa aposta é clara e nítida. Seguiremos a facer o mesmo, pero con menos presuposto que antes. A aportación da Xunta é enormemente importante, pero os nosos ingresos baixan, eso sí, seguiremos a traballar na liña que viñemos mantendo ata o de agora”.

RAPACES E RAPAZAS DE EU SON DE BURELA ACUDIRON Á CASA DA CULTURA A DISFRUTAR DO XOGO XIGANTE DOS RESIDUOS DE SOGAMA

O martes 11 de setembro, rapaces e rapazas da FUNDACIÓN Eu Son de Burela acudiron á Casa da Cultura a disfrutar do xogo xigante dos residuos de Sogama.

Segundo explica a Concelleira de Medio Ambiente Patricia López Eijo “dito xogo está orientado para mozos e mozas co fin de inculcarlles boas prácticas na aplicación do principio das 3 erres (Redución, Reutilización e Reciclaxe). Neste xogo préstase especial atención á axeitada separación dos refugallos en orixe e o posterior depósito dos mesmos nos distintos contedores de recollida selectiva".

A Concelleira de Servizos Sociais, Diana Durán, agradece á Delegación de Medio Ambiente a acollida e participación nesta actividade á FUNDACIÓN EU SON, e sinala que "un total de 120 preguntas identificadas por cores poñen a proba os coñecementos do alumnado na materia, permitíndolles aprender, ao tempo que se divirten e entreteñen”. O xoves será a Asociación de Axuda ao Enfermo Mental, a que acuda á Casa da Cultura a participar nesta actividade coa axuda das monitoras de Gaia, tal e como fixeron este martes os rapaces e rapazas de Eu Son.

O EQUIPO DE GOBERNO AGARDA AMPLIAR O NÚMERO DE PERSOAS BENEFICIARIAS DO SERVIZO DE AXUDA NO FOGAR NA MODALIDADE DE DEPENDENCIA. NA ACTUALIDADE CONTA CON 30 USUARIOS/AS A QUENES LLES PRESTA 17.220 HORAS DE ATENCIÓN ANUAIS.

O equipo de goberno agarda ampliar o número de beneficiarios/as do servizo de axuda no fogar na modalidade de dependencia, segundo ven de confirmar a concelleira de Servizos Sociais, Diana Durán. Na actualidade son 30 as persoas usuarias. O luns 10 de setembro abordóuse en pleno extraordinario a proposta da mesa de contratación da xestión do servizo.

Cos votos a favor do PP e do PSOE e a abstención do BNG aprobóuse a proposta da mesa de contratación sobre a clasificación das proposicións presentadas polos licitadores no procedemento de adxudicación do contrato de xestión do servizo de axuda no fogar na modalidade de dependencia. A adxudicación realizouse por procedemento aberto, multiplicidade de criterios de valoración e tramitación urxente mediante a modalidade de concesión. O servizo será prestado pola mesma empresa que o está a realizar na actualidade, porque a súa oferta foi a mellor das presentadas.

A concelleira de Servizos Sociais, Diana Durán, explicou que “agora o procedemento seguirá o seu curso normal. O obxectivo é estabilizar o servizo de axuda no fogar e mellorar a súa calidade”. A edil popular engadiu que “usuarios a traballadoras beneficiaránse das repercusións positivas que terá dita xestión”.

Durán subliñou que “o que agardamos desde o equipo de goberno é ampliar o número de persoas beneficiarias”. Na actualidade o servizo de axuda no fogar na modalidade de dependencia conta con 30 usuarios/as e presta un total de 17.220 horas de atención ao ano”.

HOXE LUNS, 10 DE SETEMBRO, TRATARASE EN SESIÓN PLENARIA EXTRAORDINARIA A PROPOSTA DA MESA DE CONTRATACIÓN DA XESTIÓN DO SERVIZO DE AXUDA NO FOGAR DE MODALIDADE DE DEPENDENCIA. DIANA DURÁN DIXO QUE A MELLOR OFERTA FOI A PRESENTADA POLA EMPRESA QUE XA SE ENCARGA DESTAS LABORES.

Hoxe luns, 10 de setembro, ás 12 da mañá celebrarase unha sesión plenaria extraordinaria no Concello de Burela onde a orde do día será a proposta da mesa de contratación sobre a clasificación das proposicións presentadas polos licitadores no procedemento de adxudicación do contrato de xestión do servizo de axuda  no fogar na modalidade de dependencia. A adxudicación realizouse por procedemento aberto, multiplicidade de criterios de valoración e tramitación urxente mediante a modalidade de concesión. 

En total presentáronse 4 empresas, 3 fixérono en tempo e forma e 1 fora de prazo, segundo os datos que deu a coñecer a concelleira de Servizos Sociais, Diana Durán. A edil popular explicou que “das tres firmas que concorreron, dúas presentaron toda a documentación esixida correctamente e unha non acreditou a solvencia técnica. Ésta contou cun prazo legal de tres días para arranxar este problema, pero finalmente quedou excluída do concurso porque non presentou tampouco o certificado de ter prestado servizos públicos ou privados coma os que tería que realizar en Burela”.

Durán subliñou que “a mesa de contratación, por unanimidade dos seus membros, adheríuse ao informe técnico elaborado pola traballadora social do Concello. E despois de analizar e puntuar as dúas ofertas que presentaron toda a documentación correctamente será a empresa que xa estaba a prestar o servizo de axuda no fogar no Concello a que continúe a facelo. A súa foi a mellor oferta presentada e tamén a organización e planificación do traballo a realizar”. 

Da mesa de contratación formaron parte o alcalde, a concelleira de Servizos Sociais, a secretaria municipal, a interventora do Concello e a traballadora social, e como secretario actuou un técnico administrativo.

DURÁN INFORMA DA NECESIDADE DE LICITACIÓN DO SERVIZO COMPLEMENTARIO DE SAF DO CONCELLO DE BURELA

Na sesión ordinaria do Pleno Corporativo do Concello de Burela, celebrada o pasado día 26 de xullo, resolveuse entre outros asuntos incluídos na orde do día, a aprobación do expediente de contratación e pregos de cláusulas administrativas e técnicas do servizo de axuda no fogar de modalidade dependencia.

A Concelleira Delegada informou da necesidade da licitación do servizo complementario de SAF do Concello de Burela, tal e como así tamén o indicaban os informes de Secretaría e de Intervención.

Diana Durán apunta “Este contrato ten por obxecto a xestión do Servizo Público de Axuda no Fogar do Concello de Burela, cuxa descrición, características e especificacións establécense no prego de prescricións técnicas, sendo as necesidades administrativas a satisfacer mediante o contrato a prestación do Servizo de Axuda no Fogar a persoas en situación de dependencia recoñecidas pola Xunta de Galicia, e que no Programa Individualizado de Atención de recursos teñan o SAF como recurso asignado, ou como respiro complementario de outro recurso e/ou prestación”.

A edil popular recorda que “A duración do contrato será de dous anos, contados dende a data da súa formalización, prorrogable anualmente ate un máximo, prórrogas incluídas, de catro anualidades. A súa tramitación será urxente e a forma de adxudicación será a da oferta economicamente máis vantaxosa, atendendo a varios criterios de adxudicación”.

Esta proposta do equipo de goberno popular defendida por Durán foi aprobada en Pleno por unanimidade, contando co apoio de todos os membros da oposición formada por PSOE e BNG. 

A Concelleira delegada de Servizos Sociais explica que “Tras a aprobación en Pleno, publicouse no Boletín Oficial da Provincia de Lugo e no Perfil do Contratante o anuncio de licitación, para que durante o prazo legal de 8 días naturais os interesados puidesen presentar as proposicións que estimasen pertinentes. O pasado día 21 de agosto foi celebrada a reunión da mesa de contratación para valoración da documentación administrativa contida no ‘sobre A’, presentada por cada empresa para a contratación. Dado que a unha das empresas presentadas lle foi requirida documentación tendo como prazo 3 días hábiles para a correspondente subsanación, a seguinte mesa será convocada para o vindeiro luns, 27 de agosto, co fin de valorar o proxecto de organización do servizo contido no ‘sobre B’. Unha vez estea o informe técnico realizado fundamentando a puntuación de cada proxecto, a mesa de contratación reunirase de novo, co fin de valorar as ofertas económicas  e as melloras presentadas polas empresas e incluídas no ‘sobre C’ ”.

 

Durán recalca “Estes trámites non afectan ás persoas usuarias do SAF nin ás traballadoras do servizo, xa que unha das condicións que aparece reflexada nos pregos é precisamente a subrogación do persoal que está a prestar o servizo. Se a mesa de contratación non se atopa con ningunha anomalía, o proceso estará resolto a finais da vindeira semana, para poder elevar ao Pleno Corporativo a correspondente proposta de contratación efectuada pola Mesa”.

COMEZA A CONTA ATRAIS PARA A APERTURA DO CENTRO DE DÍA PARA PERSOAS CON DISCAPACIDADE INTELECTUAL DA FUNDACIÓN EU SON DE BURELA

Diana Durán, concelleira popular burelense que dirixe Servizos Sociais, amósase moi satisfeita da próxima apertura do Centro de Día para persoas con discapacidade intelectual, pertencente á FUNDACIÓN EU SON, e da que é vocal do Padroado xunto ao Alcalde de Burela, José González Barcia,  presidente do mesmo.

Días atrás, Durán rendeu conta sobre as xestións que afectan ao centro de día ante o Padroado da Fundación, contando coa aprobación unánime por parte de todos os membros integrantes sobre as características do seu funcionamento (horario, programas, atencións básicas, servizos complementarios, perfís profesionais, etc) e onde se fixo fincapé no copagamento que deberán aportar as persoas usuarias, resaltando que “se pode acceder ao centro de día a través de praza subvencionada mediante o sistema de dependencia, caso no que o copago será o mínimo e logrouse igualar a mesma cantidade que aportan as persoas que xa están sendo beneficiarias do centro ocupacional co que conta a Fundación Eu Son, co fin de non haber desigualdades entre ningún dos centros”. Tamén se contempla o acceso de forma privada.

Estas informacións tamén foron trasladadas aos familiares das que serán as primeiras persoas usuarias do citado equipamento, coa finalidade de ultimar e consensuar as datas de posta en funcionamento do centro: “En setembro será o período de adaptación entre familias, persoas usuarias e profesionais, para que en outubro sexa efectiva a apertura do centro de día para persoas con discapacidade intelectual”.   

Durán subraia “que esta reunión foi en conxunto cos familiares, xa que durante os meses anteriores as entrevistas coas familias foron de forma individual, convocadas no propio centro de día para que coñeceran de primeira man as instalacións e esclarecer cantas dúbidas mostraron, que realmente son quenes teñen que dispoñer de toda a información”.

A delegada burelesa de servicios sociais recorda que ela mesma e o alcalde Xosé González  Barcia trataron este tema -de absoluta priporidade para o Equipo de Goberno Popular- coa Secretaria Autonómica de Política Social (Coro Piñeiro) e coa Conselleira de Benestar (Beatriz Matro). Añade a edila, que xunto á dirección do centro tamén se mantiveron varias reunións coa Xefatura Territorial da Consellería de Traballo e Benestar en materia de dependencia. 

 

A edil popular indica que non foi unha labor fácil, mais ben todo o contrario, pero non por iso se deixou de traballar: “Fácil é abrir centros con cartos contantes e sonantes e que che poñan o cheque enriba da mesa; o difícil é facer enxeñería social e para eso estamos nós, o partido popular, que con actuacións como esta seguimos demostrando que os servizos sociais son totalmente prioritarios para o actual equipo de goberno”.

DIANA DURÁN AMÓSASE SATISFEITA DO APOIO QUE A XUNTA DE GALICIA LLE ESTÁ A BRINDAR AO PROPIO CONCELLO E ÁS ENTIDADES SEN ÁNIMO DE LUCRO NA VILA

 

Burela, 3 de agosto de 2012. A concelleira de Servizos Sociais, Diana Durán, amósase satisfeita do apoio que a Xunta de Galicia lle está a brindar ao propio Concello e ás entidades sen ánimo de lucro da vila. De feito Burela ven de recibir unha subvención de 11.464 euros para o desenvolvemento de programas dirixidos á reducción do abandono escolar, “trátase do 100% do solicitado”.

 

Durán subliña que “además o centro San Aníbal dispón de uns 40.000 € a través das partidas destinadas pola Secretaría Xeral de Igualdade a entidades de iniciativa social”. A concelleira de Servizos Sociais lembra que “cando o bipartito estivo na Xunta este centro non recibiu subvención algunha e tampouco están a recibir nada da Deputación Provincial de Lugo, na que tamén gobernan PSOE e BNG. Eles deberán explicar o por qué desa falla de apoio ao traballo que desenvolve o centro San Aníbal de Burela”.

A edil popular indica que “mentras uns adoptan esa actitude desde a Xunta séguese a prestar apoio ás iniciativas de carácter social, tanto ás que realizamos desde o Concello como ás que levan adiante entidades sen ánimo de lucro. Para mostra aí temos os 44.000 euros que recibiu o CIM de Burela hai uns días, e a nova subvención de 11.464 euros que nos acaban de conceder para desenvolver programas dirixidos á reducción do abandono escolar. Os datos falan por sí mesmos e a cidadanía debe coñecelos e valoralos”.

Durán recorda que nos meses de verán se reforzou a educación a través do PROGRAMA DE PREVENCIÓN DE ABSENTISMO ESCOLAR, xa que supón un dos principias instrumentos de socialización e integración social, sendo ademais un elemento de prevención de determinadas problemáticas ou comportamentos disociais, como poden ser as drogodependencias, delincuencia, desemprego, etc.

Os obxectivos deste programa son informar ás familias sobre os seus dereitos e obrigacións parentais, previr situacións de absentismo e actitudes familiares que o favorezan, apoiar ás familias e darlles instrumentos cos que motivar aos menores cara os estudios e mellorar o seu interese polas aprendizaxes escolares, promover a colaboración e a participación das familias na escola, mellorar as habilidades sociais dos rapaces e a súa integración no sistema educativo, potenciar a reflexión dos rapaces acerca da súa actitude negativa cara a escola, promover e facilitar técnicas de estudio e repaso co fin de evitar situacións de fracaso académico, potenciar o regreso ao sistema educativo dos rapaces que o abandonaron de forma prematura, etc.

Para acadar estes obxectivos estanse a levar a cabo actividades dirixidas ás familias e actividades dirixidas aos rapaces e rapazas.

Actividades para as familias:

-          Información e Asesoramento individualizado: durante todo o ano a través do Programa de Educación Familiar.

-          Obradoiros Formativos: 12, 14, 19 e 21 de xuño ás 12:30 na Casa do Concello. A temática a tratar será o dereito á educación (lexislación), os deberes e responsabilidades parentais, habilidades e estratexias motivacionais, a importancia da implicación da familia na escola, causas e consecuencias do absentismo escolar, o fracaso escolar.

Actividades para os/as adolescentes (entre 16 e 24 anos):

-          Información e asesoramento individualizado: durante todo o ano a través do Programa de Educación Familiar.

-          Obradoiro de Habilidades Sociais: 3, 10, 17, 24 e 31 de xullo ás 12:30 na Casa do Concello.

-          Ciclo de Cine Educativo: 5, 12, 19 e 26 de xullo ás 12:00 na Casa do Concello.

-          Reforzo Educativo: 7, 14, 21 e 28 de agosto, ás 12:30 na Casa do Concello.

-          Obradoiro de Técnicas de Estudio: 2, 9, 16, 23 e 30 de agosto ás 12:30 na Casa do Concello.

Para mais información, poñerse en contacto co Departamento de Servizos Sociais Municipais.

A SUBVENCIÓN DE MÁIS DE 44.000 EUROS QUE RECIBIU O CIM SUPORÁ GARANTIR A CONTINUIDADE DO SERVIZO, SEGUNDO DIANA DURÁN. A CONCELLEIRA DE SERVIZOS SOCIAIS AMÓSASE MOI SATISFEITA DO TRABALLO DESENVOLVIDO POR ESTE CENTRO.

Burela, 23 de xullo de 2012. Satisfacción da concelleira de Servizos Sociais de Burela, Diana Durán, tras a subvención de máis de 44.000 euros que percibe o CIM, “o que suporá garantir a continuidade do servizo”.

Durán sinala que “o CIM de Burela é o mais destacado da provincia de Lugo, tanto polas prestacións que ofrece, como pola cantidade de demandas atendidas e a calidade na atención das profesionais que o conforman. Así o demostrou a totalidade de puntos obtidos para optar á subvención do Programa de Apoio aos Centros de Información ás Mulleres que a Secretaría Xeral de Igualdade da Xunta de Galicia convocou para este ano 2012”. Concretamente, o CIM de Burela obtivo un total de 67 puntos no proxecto presentado, onde se especifican, entre outros, as áreas nas que se traballa, o número e tipo de consultas que se atenderon e as profesionais adscritas ao servizo. A puntuación obtida deu lugar a que o CIM de Burela perciba o 98% do total a solicitar, concretamente 44.100 euros, “o que supón garantir a continuidade da prestación do servizo”. 

A responsable dos Servizos Sociais no Concello de Burela, Diana Durán, resalta “o bo funcionamento do CIM e a cantidade das mulleres atendidas no mesmo, non só de Burela, senón tamén doutros concellos veciños que non dispoñen deste servizo”. A edil recorda que “se atenden áreas como a xurídica, orientación profesional, emprego, recursos, información sobre axudas que ofrece a Secretaría Xeral de Igualdade, atención psicolóxica e outras”. Así mesmo, a edil popular eloxia o traballo das profesionais do CIM de Burela “que fai que sexa o cabeceira de provincia. Esta subvención recibida garante a continuidade das tres profesionais que conforman o centro: asesora xurídica, psicóloga e administrativa”. Tamén indicou que a subvención do 2012 veuse incrementada respecto ao 2011.  

Nesta liña, Durán lembra que “hoxe en día cada vez máis se está a destapar a problemática de discriminación e violencia de xénero que as mulleres veñen sufrindo ao longo da historia da humanidade, e querémoslle recordar a todas as mulleres mariñanas que teñen á súa disposición no Concello de Burela un Centro de Información á Muller, que é un servizo pensado para apoiar á muller, proporcionándolle toda a información necesaria para solucionar o problema ou problemas que estea a padecer”.

Desde a Concellería de Servizos Sociais indican que as funcións do CIM pasan por: concienciar á poboación en xeral da problemática específica que afecta ao colectivo feminino; dinamizar a presenza das mulleres na actividade social, cultural e económica da zona; darlles a coñecer ás usuarias os seus dereitos, así como os servizos e recursos existentes na comunidade autónoma a favor das mulleres (recursos de carácter social, cursos de formación, programas da Secretaría Xeral de Igualdade, subvencións das distintas consellerías, doutros organismos, etc…); impulsar a formación e inserción laboral das mulleres; denunciar calquera tipo de discriminación, sexa directa ou indirecta, e de situación que supoñen un atentado á dignidade da muller; proporcionar un asesoramento personalizado para a realización de xestións administrativas (cubrir impresos, realizar un currículo, inscribirse nun curso...); e recompilar datos sobre a situación das mulleres, as súas inquedanzas e demandas para poder propoñe-las medidas necesarias para solucionalas.

As principais accións realizadas polo Centro de Información á Muller de Burela foron: prestación de atención asistencial baseada nunha estreita colaboración coas casas de acollida, xulgados, entidades prestadoras de servizos sociais e outros centros da rede informativa da Secretaría Xeral de Igualdade; organización de charlas e conferencias sobre temas de especial interese para a muller, de tipo formativo e informativo: malos tratos, separacións matrimoniais e divorcios, planificación familiar, saúde e medio ambiente, educación dos fillos e fillas, asociacionismo, técnicas de busca de emprego, autoestima, autodefensa, etc; actividades que lles permitan ás mulleres unha mellor participación sociocultural e unha promoción persoal, adquirindo novos coñecementos ou desenvolvendo habilidades. Tiveron carácter moi diverso: nutrición, informática, manualidades, patronaxe e confección, restauración de mobles, primeiros auxilios... e o CIM de Burela conta cun servizo de teletradución, que comezou a funcionar hai uns meses.