martes, 22 de julio de 2014
SERVIZOS SOCIAIS #BURELA NO ESTRENO DO DOCUMENTAL "ESCAMAS, SANGUE!" SOBRE A "GUERRA DO BONITO"
Na tarde de onte bureleses e burelesas tivemos a oportunidade de asistir, na Confraría de Pescadorse San Xoán Bautista, ao estreno de "Escamas, sangue!", un novo documental que repasa a Guerra do Bonito, unha loita pola pesca sostible que fai 20 anos tivo o seu epicentro en Burela e, por extensión, en A Mariña.
¡¡Noraboa a Adríán e Breixo,autores do documental!!
Etiquetas:
Confraría de Pescadores San Xoán Bautista,
documental
SERVIZOS SOCIAIS E IGUALDADE DE BURELA ORGANIZAN UN CICLO DE CHARLAS COA ONG MÉDICOS DO MUNDO
O "Programa de Atención a
Inmigrantes" da Concellería de Servizos Sociais, Muller, Igualdade e
Sanidade de Burela vai realizar un ciclo de charlas en colaboración coa
ONG Médicos do Mundo, segundo ven de anunciar a concelleira Diana
Durán.
A edil popular explica que “ditas charlas informativas serven para
promocionar a educación para a saúde e fomentar hábitos de vida
saudables, axudando a manter a boa saúde”.
A primeira charla que se impartirá será o día 30 de xullo no salón de
plenos do Concello en horario de 10:00 a 14:00 horas e o seu título
será Acceso á saúde para persoas inmigrantes en Galicia, na que
se tratará do dereito da saúde, dereito para persoas que traballan,
beneficiarios/as ou asegurados/as de persoas que traballan, saúde gratuíta
para mulleres embarazadas, menores e urxencias médicas, reclamacións de
facturación por atención urxente, programa galego de protección social
de saúde pública…”.
A charla está dirixida principalmente para persoas
inmigrantes, pero tamén poderán participar aquelas persoas que ben por
intereses persoais ou profesionais estean motivadas.
Para máis información @s interesad@s poden dirixirse ao Programa de
Atención a Inmigrantes do Concello de Burela ao seguinte número de
teléfono 982 58 06 09.
A CASA DA XUVENTUDE DE BURELA ACOLLERÁ DO 5 AO 7 DE AGOSTO UN OBRADOIRO DE FOTOGRAFÍA SOCIAL
O "Programa de Atención a Inmigrantes"
da Concellería de Servizos Sociais, Muller, Igualdade e Sanidade de
Burela, como socio do Fondo Galego de Cooperación e Solidariedade, vai
impartir un Obradoiro de Fotografía Social. O curso desenvolverase do 5 ao 7 de agosto.
Diana Durán subliña que “será impartido por Rober Amado, (fotógrafo
gañador da I Edición de Imaxes con Fondo e Premio Tiflos de Xornalismo
Social da Fundación ONCE)”.
A edil popular indica que “o obxectivo deste obradoiro é espertar a
curiosidade polo mundo da fotografía e xerar as ferramentas necesarias
para dar a posibilidade de mellorar o ollo fotográfico e ampliar o
coñecemento tanto da arte fotográfica como da súa faceta máis
documental”.
Diana Durán explica que "este cuso é unha ferramenta que permite crear conciencia social coas imaxes e palabras, empegrando linguaxe e termos de igualdade. É un curso de fotografía que fará ver o mundo con outros ollos."
As clases serán os días 5, 6 e 7 de agosto en horario de 10:00 a
13:00 horas na Casa da Xuventude. O curso está dirixido a persoas
maiores de 14 anos.
Para anotarse e/ou solicitar máis información @s
interesados poden chamar ao Programa de Atención a Inmigrantes do
Concello de Burela ao seguinte número de teléfono 982 58 06 09.
viernes, 18 de julio de 2014
CLAUSURA DO VII SEMINARIO DE JAZZ E MÚSICA MODERNA
ServizosSociais#Burela asiste á clausura do VII Seminario de Jazz e Música Moderna, en fusión coas Batuko Tabanka e Rabentolas
A EDIL POPULAR, DIANA DURÁN, ASISTE AO ACTO QUE RINDE HOMENAXE A SAN XOÁN BAUTISTA E Á VIRXE DO CARME, NO BARCO-MUSEO REINA DEL CARMEN
ServizosSociais#Burela no acto que rinde homenaxe a San Xoán Bautista e á Virxe do Carme, no Barco-Museo Reina del Carmen
Burela rinde homenaxe aos seus patróns, San Xoán Bautista e á Virxe do Carme, entre finais de maio e principios de xuño, antes de que arranque a costeira do bonito; pero este mércores recordou que era o día principal da patrona dos mariñeiros. Fíxoo cun responso na súa honra e no recordo dos náufragos no Barco Museo Reina del Carmen, donde asistiu a Concelleira de Servizos Sociais, Muller, Igualdade e Sanidade do Concello de Burela.
Etiquetas:
actos,
Barco-Museo,
Homenaxe,
Servizos Sociais
viernes, 11 de julio de 2014
SERVIZOS SOCIAIS COAS ASOCIACIÓNS DEPORTIVAS E CULTURAIS
As asociacións deportivas e culturais que recibiron subvencións municipais este ano asinan convenio co Concello de Burela
O alcalde, José Mª González Barcia, as
concelleiras de Servizos Sociais e Deportes, Diana Durán e Beatriz
Piñeiro, asistiron este xoves á sinatura dos convenios asinados cos
colectivos deportivos e con outros que quedaron pendentes hai unhas
semanas, tras as subvencións que lles concedeu o Concello.
A edil popular, Diana Durán, sinalou que “se trata de asinar os convenios cos colectivos
deportivos, que eran os que quedaban pendentes, e algunha asociación
que, por motivos diversos, non puidera vir cando foran convocados os
colectivos do seu ámbito de actuación”. No encontro de onte
participaron: Club Ciclista Burela, Club Ciclista Cerezo Bike, Club
Kayak, Burela Fútbol Sala, Club Baloncesto Burela, Club Náutico e Pasada
das Cabras, como colectivos deportivos. Tamén estiveron a Sociedade
Cultural Ledicia, O Mellor de Cada Casa e Amajazz. A partir de agora
estas asociacións e colectivos poderán presentar a correspondente
xustificación da subvención para cobrar o seu importe”.
González Barcia lembrou que “o Concello asinou un total de 50
convenios que supoñen un total de 125.000 euros en subvencións. A
intención é manter, na medida do posible, as subvencións de cara ao
próximo ano, tendo en conta que todos os colectivos recibiron con moi
bos ollos a subvención a pesar de que hai importes que non son demasiado
elevados. Excepto o colectivo Buril, que renunciou á subvención, todos
os demais aceptáronas”.
Etiquetas:
asociacionismo,
Asociacións,
compromiso social,
Convenio,
deporte,
subvencións,
tecido asociativo
miércoles, 9 de julio de 2014
SERVIZOS SOCIAIS APOIA O CONCERTO DO V CURSO INTERDISCIPLINAR DE MÚSICA
Coma
en anteriores ocasións e dentro da celebración do Curso
Interdisciplinar de Música, celebrouse na tarde do mércores, 2 de xullo,
o concerto de cámara a cargo dos alumnos e alumnas das diferentes especialidades,
con obras de Romberg e Mozart entre outros autores/as.
Para o peche de dito curso, o xoves 3 de xullo, ás 20:30 no Auditorio da Casa da
Cultura de Burela, celebrouse un concerto no que levaron o peso as
agrupacións de coro e orquestra que interpretaron repertorio pertencente
a diversas óperas, tanto de xeito independente coma conxuntamente.
E, na segunda parte deste concerto representouse -en versión
concerto- a obra “A Viaxe de Brandán”, que foi estreada o pasado verán
en Burela con motivo da Festa Castrexa. Esta obra é unha composición
baseada no libreto do lucense Xoán Rompe, con lírica de Xulia Nogueira e
música de Xan Carballal.
Diana Durán, Concelleira de Servizos Sociais, Muller, Igualdade e Sanidade, non faltou ao concerto como vén sendo costume e "anima a todos os rapaces e rapazas a seguir deleitándonos coas súas interpretacións, así como a todas aquelas persoas veciñas que poñen todas as súas forzas en demostrar que a música non ten idade e que calquera persoa que lle poña gañas e atención pode brotar dela sintonías que verdadeiramente nos embelesan. Noraboa a profesorado e alumnado".
Etiquetas:
alumnado,
alumnos/as,
autores/as,
coro,
Curso Interdisciplinar,
interpretacións,
música,
orquestra,
profesiorado,
repertorio
SERVIZOS SOCIAIS NO IZADO DAS BANDEIRAS AZUIS DAS PRAIAS DA MAROSA, PORTELO E RIL
Este luns, 7 de xullo, foron izadas as bandeiras azuis nas
praias burelesas de A Marosa, Portelo e Ril. O areal da Marosa conta con
este distintivo de xeito ininterrumpido desde o ano 1993.
O alcalde, José Mª González Barcia, contou que “no día de hoxe
procedemos ao izado das tres bandeiras azuis concedidas por Adeac ao
Concello de Burela para outras tantas praias: en concreto a da Marosa,
que é a que dende hai máis tempo ten a bandeira azul; a de Portelo, que
conta con ela desde 1999, aínda que a perdeu en 2003 e volveu recuperala
ao ano seguinte; e a de Ril, que a tivo un ano e que a recupera agora”.
A edil popular, Diana Durán, sinala que "para o equipo de goberno é unha satisfacción que as tres praias máis usadas polos veciños e veciñas do noso concello teñan as tres a bandeira azul, porque isto é un traballo que se ven facendo dende hai moitos anos por parte de moita xente e coa súa colaboración . Sen dúbida ningunha que unha praia teña bandeira azul é un reclamo turístico de primeira magnitude e, por outra parte, significa que conta cuns servizos cunha calidade recoñecida”.
O rexedor subliñou que “no caso das praias de Burela o servizo de
socorrismo funciona xa dende o sábado pasado. Temos dez socorristas para
cubrir as tres praias durante todo o verán, ata principios do mes de
setembro. As praias están completamente listas para ser usadas polos
cidadáns e polos visitantes: contan con duchas, algunhas delas repostas
despois dos temporais; teñen servizos hixiénicos todas elas; este ano
incorpórase unha novidade importante, que é que se teñen substituído as
casetas dos socorristas de Portelo e Ril, as sombrillas están todas
colocadas tamén, ao igual que tódolos colectores de recollida de lixo; e
a limpeza estase facendo diariamente”.
A concelleira de Medio Ambiente e Mar, Patricia López Eijo, lembrou
que “o ano pasado compráronse esas dúas casetas, unha para O Portelo,
que consta de dous baños (un deles para minusválidos) ademais da zona
para os socorristas, que ten taquillas, camilla… e outra para Ril onde
prestan servizo os socorristas”. López Eijo subliñou que “isto suponnos
un aforro de 1.500 euros, que era o que se pagaba polo aluguer das
casetas e polos baños químicos que se colocaban en Portelo, e que agora
están situados dentro da propia caseta desta praia. Tamén fixemos
arranxos de fontanaría nos baños da praia da Marosa”.
González Barcia indicou que “as praias están en perfectas condicións,
máis aínda se cabe tendo en conta que Costas cumpriu co seu compromiso
de ter arranxados os danos causados polos temporais a mediados do mes
pasado. E iso foi así, polo tanto temos que recoñecerlle e agradecerlle a
Costas o esforzo que fixo. Soamente dou un dato: na rexeneración do
espigón da praia da Marosa téñense colocado 2.500 metros cúbicos de
pedra, cun presuposto de 120.000 euros. Os paseos están todos en
perfectas condicións e tense feito a limpeza da maleza nas tres praias”.
E engadiu: “en conclusión, as praias de Burela, a partir de hoxe coa
bandeira azul, locen máis aínda, se cabe. Polo tanto, temos que
agradecerlle a todas as persoas do Concello implicadas no mantemento das
praias e tamén aos usuarios a súa colaboración para que as praias
estean limpas e que poidan contar un ano máis con bandeira azul. Este
ano queremos que as praias estean en perfecto estado para poñer todo o
que de nós dependa de cara a revalidar os tres galardóns bandeira azul
para o próximo ano 2015”.
Etiquetas:
areais,
bandeiras azuis,
calidade,
izado,
limpeza diaria,
paseos,
praias,
recollida de lixo,
servizos básicos,
socorrismo
A EDIL POPULAR PARTICIPOU NA III FESTA CASTREXA
ServizosSociais#Burela Na Festa Castrexa xunto ao Alcalde Chema Barcia, o Patrón Maior Basilio Otero da Confraría de Pescadores San Xoán Bautista de Burela e amigos/as do Clan
A edil de Servizos Sociais, Muller, Igualdade e Sanidade do Concello de Burela, felicita a ACIA como organizadora da III Festa Castrexa, a todo o tecido asociativo do pobo pola súa desinteresada colaboración e a todas as persoas veciñas do pobo que contribuíron a que este evento fose posible.
VIVAMOS COMO CASTREXOS!!!
Etiquetas:
ACIA,
colaboración,
Festa Castrexa,
organización,
persoas veciñas,
tecido asociativo
O CONCELLO DE BURELA CREA UNHA PRAZA INTERINA DE PEDAGOXÍA NO CENTRO DE ATENCIÓN TEMPERÁ
O Concello crea unha praza de
interinidade para cubrir a baixa da licenciada en pedagoxía do centro de
atención temperá. A concelleira de Servizos Sociais, Diana Durán,
sinalou que “a pesares da situación complexa que estamos a vivir desde o
equipo de goberno decidimos cubrir este gasto cunha interinidade.
Estamos diante dun servizo prioritario, é dicir de primeira necesidade,
para as familias que teñen nen@s de 0 a 6 anos con problemas
evolutivos”.
A edil popular subliñou que “facemos o esforzo de realizar esta
substitución ata a reincorporación da titular da praza”. Diana Durán
dixo que “cando un neno ou unha nena ten dificultades deste tipo, hai
que traballar con el ou con ela de xeito inmediato, porque son meses vitais para o
seu normal desenvolvemento. Non nos podemos permitir ralentizar a
atención que se lles presta neste servizo”.
Diana Durán subliñou que “se non fose polo compromiso do Concello
burelés este centro de atención temperá non estaría funcionando. É un
servizo que está ubicado en Burela, pero no que se presta atención aos
nenos e nenas de toda a comarca e é o noso Concello o que sufraga os
gastos desta unidade, coa axuda da Xunta de Galicia”.
A concelleira de Servizos Sociais lembra que “se entende por atención
temperá o conxunto de intervencións dirixidas á poboación infantil de
0-6 anos, a familia e ao contorno, que teñen por obxectivo dar resposta o
máis axiña posible ás necesidades transitorias ou permanentes que
presentan os nen@s con trastornos no seu desenvolvemento ou que teñen
risco de padecelos. Estas intervencións, que deben considerar a
globalidade dos nen@s teñen que ser planificadas por un equipo de
profesionais de orientación interdisciplinar ou transdisciplinar”.
A unidade de atención temperá atendeu o ano pasado a 92 nen@s, 36 con
idades que oscilan entre os 0 e os 3 anos e 56 de 3 a 6 anos. Segundo
os datos do centro 35 nen@s acudiron por primeira vez á unidade, 28
requiriron ingreso e 35 recibiron á alta ao longo do pasado 2013.
Na unidade realízanse, entre outras, actividades asistenciais,
tratamentos psicopedagóxicos, psicoterapéuticos, seguimentos evolutivos,
estimulación da linguaxe, psicomotricidade, terapia familiar,
información, asesoramento, coordinación e interconsultas nos ámbitos
sanitario, social e educativo.
O ano pasado leváronse a cabo 1.836 terapias, 108 orientacións
familiares, 5 orientacións profesionais, 78 seguimentos evolutivos e 35
nen@s recibiron 1.181 sesións de fisioterapia.
A unidade de atención temperá conta con unha psicóloga, unha pedagoga, unha fisioterapeuta e unha educadora social.
SERVIZOS SOCIAIS BURELA APOIA ÁS PERSOAS ORGANIZADORAS DA ROMARÍA MONTE CASTELO
A área recreativa do Monte Castelo acollerá unha
nova edición da romaría que leva o seu nome do 24 ao 27 de xullo. O
evento acaba de presentarse nese lugar. Ata alí desprazáronse o alcalde
de Burela, José Mª González Barcia, e as concelleiras Diana Durán e
Mónica Pedre, ademais de membros da asociación Amigos do Monte Castelo.
O rexedor dixo que “a Romaría do Monte Castelo adquiriu un grande
renome en toda a comarca e noutras zonas tanto da provincia de Lugo coma
do norte da Coruña. A presenza de xente ven sendo masiva e nun moi bo
ambiente, polo tanto agardamos e confiamos en que siga a ocorrer o
mesmo”.
González Barcia pídelles a veciñ@s e visitantes “que respecten o
medio ambiente e que se divirtan” e agradeceu o traballo realizado pola
asociación Amigos do Monte Castelo: “eles/as organizan o festexo e
distribúen as zonas de acampada”. O alcalde lembrou que “o Concello
colabora de xeito económico coa Romaría do Monte Castelo e poñemos á súa
disposición os medios materiais e humanos que precisan para que todo
discorra con normalidade, tal e como se fixo sempre e como se seguirá a
facer”.
A edil popular, Diana Durán, sinalou que “son xa moitos anos de Romaría do Monte
Castelo. Esta festa converteuse nun dos eventos máis importantes de
Burela e da Mariña luguesa no verán. Para o Concello é moi positiva a
súa celebración pola proxección que realiza de Burela e da área
recreativa do Monte Castelo”.
A XIX Romaría do Monte Castelo desenvolverase do 24 ao 27 de xullo.
Etiquetas:
ámbito comarcal,
Asociacións,
compromiso social,
Medio Ambiente,
Monte Castelo,
presentación
Suscribirse a:
Entradas (Atom)