Na mañá deste martes tivo lugar unha concentración silenciosa ás portas
do Concello de Burela para amosar a repulsa dos veciños e das veciñas
do municipio contra a violencia machista, que onte se cobraba unha nova
víctima mortal en Barro (Pontevedra). O acto foi convocado pola
asociación Mulleres en Igualdade e polo Concello e nel participaron
representantes dese colectivo así coma o alcalde, José Mª González
Barcia, e as concelleiras Mónica Pedre, Patricia López Eijo e Diana
Durán (Concelleira de Servizos Sociais, Muller, Igualdade e Sanidade).
jueves, 28 de agosto de 2014
miércoles, 27 de agosto de 2014
O CIM DE BURELA TRAMITA AS SOLICITUDES DO TALLER FORMATIVO SOBRE SOCIEDADE DA INFORMACIÓN
O Instituto da
Muller, en colaboración coa Secretaría Xeral de Igualdade e a Escola
Galega de Administración Pública, organizan un Taller de Formación en
materia de Sociedade da Información dirixido a mulleres que conten con
estudos superiores e se atopen actualmente en situación de desemprego.
O
curso terá unha duración de 40 horas e levarase a cabo entre o 22 e o
26 de setembro en Santiago de Compostela. As veciñas burelesas
interesadas en acudir poden tramitar xa as súas solicitudes no CENTRO DE INFORMACIÓN ÁS MULLERES do Concello de Burela (CIM) a través da Concellería de Servizos Sociais, Muller,
Igualdade e Sanidade.
Diana Durán, concelleira de Servizos Sociais en Burela, aclarou que
“neste curso poderán participar todas as mulleres que conten con estudos
de nivel de diplomatura, licenciatura ou equivalente, FPII e
coñecementos de informática, a nivel de usuario/a. Tamén deberá tratarse
de mulleres que actualmente se encontren en situación de desemprego”.
Dende o CIM de Burela informan de que este curso contará cunha duración de 40
horas, distribuídas en horario de 8:30 a 14:30 e de 16:30 a 20:00 horas
o 22 e 23 de setembro, de 08:30 a 14:30 e de 16:30 A 19:30 o 24 e de
08:30 a 14:30 o 25 e 26 dese mesmo mes.
O curso levarase a cabo nas dependencias que a Escola Galega de
Administración Pública (EGAP) ten en Santiago de Compostela. A
solicitude de inscrición pode facerse xa no correo electrónico
promocion.igualdade@xunta.es ou a través do CIM de Burela. As interesadas deberán indicar nestas
solicitudes os seus datos persoais, a través dun formulario que se
oferta tanto en galego coma en castelán. Tamén terán que acompañar unha
copia do seu currículo actualizado. O criterio de selección será por
estrito orde de inscrición.
lunes, 25 de agosto de 2014
O CONCELLO DE BURELA TRAMITA AXUDAS PARA O PAGO DA FACTURA ELÉCTRICA A TRAVÉS DO TICKET ELÉCTRICO SOCIAL
O Concello tramita as axudas para o
pago de parte da factura eléctrica a través do ticket eléctrico social,
segundo recolle o Diario Oficial de Galicia do pasado 4 de agosto. As persoas
interesadas poden dirixirse ao departamento dos Servizos Sociais
Municipais ata o 4 de novembro.
Segundo explica a concelleira Diana Durán poderán beneficiarse “todas aquelas familias nas que convivan fillos/as menores de 18 anos, e nas cales, a suma dos ingresos totais da unidade de convivencia durante o ano 2013 non superen o IPREM”.
Os requisitos para poder presentar as solicitudes de axudas son os
seguintes: ser residente da Comunidade Autónoma de Galicia, ter
fillos/as menores a cargo, estar aboando a correspondente factura de
enerxía eléctrica a unha comercializadora, non superar os límites de
renda establecidos e non estar incurso nas prohibicións para obter a
condición de persoa beneficiaria, recollidas no artigo 10 da Lei 9/2007
do 13 de xuño, de subvencións.
A documentación a entregar polas persoas interesadas consistirá na
presentación electrónica da solicitude de axuda, xunto a unha copia
dixitalizada do DNI en vigor da persoa que realiza o trámite, así coma
do resto das persoas integrantes da unidade de convivencia. Ademais, os/as
solicitantes terán que achegar unha autorización dos Servizos Sociais Municipais para a presentación electrónica da solicitude e da
documentación, unha declaración de que os ingresos de todos os membros da
unidade de convivencia durante o exercicio 2013 non superaron o IPREM,
un informe de valoración da situación emitido polos Servizos Sociais
Comunitarios Básicos Municipais, unha copia dixitalizada do libro de
familia, un certificado de empadroamento do/a solicitante acreditando os
seis primeiros meses do 2014, unha copia do título de familia numerosa
se fose o caso, un certificado de convivencia e as facturas emitidas no
2014 en concepto de subministro eléctrico da vivenda xunto aos
xustificantes de pagamento. No caso de arrendamento, cando o/a
arrendatario/a se faga cargo dos gastos de electricidade, achegarase
contrato de arrendamento.
Dende a Concellería de Servizos Sociais, Muller, Igualdade e Sanidade de Burela recordan que o prazo de solicitude estará
aberto ata o vindeiro 4 de novembro. As persoas interesadas deberán
dirixirse aos Servizos Sociais Municipais, sitos na Casa do Concello de
luns a venres en horario de 08.00 a 15.00 horas.
DÍA DE PERÚ EN BURELA
A
concelleira de Servizos Sociais e Igualdade, Diana Durán, participou o sábado 26 de xullo nos actos do "193 Aniversario da Independencia de Perú", que
organizou a comunidade asentada en Burela.
Segundo explicou a edil
popular “trátase dun día moi especial para os peruanos e peruanas que viven no noso
pobo, polo que se reúnen e celebran a xornada con bailes tradicionais,
un mundialito de fútbol e un xantar de fraternidade no que degustan
produtos típicos do seu país e tamén de Burela, como símbolo de unión de
ambos pobos”.
Diana Durán engadiu que “por iso desde o Concello
quixemos celebrar xunto a este conxunto de veciños e veciñas esta festividade tan importante para
estas persoas”. Os actos foron organizados pola "Asociación Raíces
Peruanas" en colaboración coa Concellería de Servizos Sociais, Muller,
Igualdade e Sanidade de Burela.
Etiquetas:
Aniversario,
Asociacións,
comunidade,
Igualdade,
Perú,
Servizos Sociais,
tecido asociativo,
Xantar Conmemorativo
viernes, 22 de agosto de 2014
MEDIO CENTO DE ALUMNOS E ALUMNAS DA ESCOLA DE COLUMNA E DE XIMNASIA PREVENTIVA DE BURELA PARTICIPARON NO PROGRAMA "TURISMO DE SAÚDE" DA CONCELLARÍA DE SERVIZOS SOCIAIS E SANIDADE
Dentro do Programa Turismo de Saúde
da Concellaría de Servizos Sociais e Sanidade neste mes de agosto foi organizada unha andaina polo porto e por
outros lugares de interese de Burela ata chegar ao Cantiño. Segundo
explica Diana Durán “trátase de realizar unha xornada de exercicio ao
aire libre. Arredor de 50 persoas da escola de columna e da ximnasia
preventiva acudiron a esta cita”.
As persoas participantes xantaron xuntas no Cantiño “no que foi a súa comida
de fin de curso, co fin de gozar dunha xornada ao aire libre facendo tamén
exercicio”, engadiu a concelleira de Servizos Sociais e Sanidade.
E, tamén en agosto, partiron cara Xixón “para disfrutar dun día de talasoterapia, onde participaron nun circuíto termal de tres horas de
duración. A mediodía disfrutaron dun xantar tradicional asturiano nun lagar da
cidade. Despois da comida realizaron unha visita guiada ao Lagar da Sidra e visitaron tamén as termas romanas de Xixón.
Agardamos que pasarann un día moi agradable por terras asturianas, servindo como colofón de fin de curso”, dixo
Diana Durán, quen anima ás persoas veciñas de Burela a seguir participando en todo este abano de programas sociais que se oferta dende a Concellería de Servizos Sociais, Muller, Igualdade e Sanidade".
O PROXECTO DE CONSTRUCIÓN DA NOVA ESCOLA INFANTIL DE BURELA XA ESTÁ NO CONCELLO
No Concello está xa o proxecto de construción da nova escola infantil
de Burela e a solicitude de concesión da correspondente licenza de obra.
A instalación terá 41 prazas, estará situada nun solar de 2.200 metros
cadrados e ocupará unha superficie de 400 metros cadrados. O pasado 28 de xullo tivo lugar a sinatura da acta de ocupación cos donos
do solar e ao día seguinte houbo unha sesión extraordinaria da xunta de
goberno local para concederlle a licenza de obra. O alcalde, José Mª
González Barcia, amósase moi satisfeito de ir cumprindo pouco a pouco
cos compromisos sociais adquiridos con Burela.
O rexedor explicou que “o pasado mes chegou ao Concello o proxecto
de obra da que será a segunda escola infantil de Burela. Como se sabe,
isto era un proxecto que nós tiñamos en mente desde que chegamos ao
goberno municipal, comprometémonos no seu día a que Burela ía contar
cunha nova escola infantil e pouco a pouco imos pechando ese círculo e
cumprindo ese compromiso adquirido”.
Neste senso, a edil popular, Diana Durán explica que “a nova escola infantil terá, como se sabe,
41 prazas. Estará situada nun solar de 2.200 metros cadrados e a
superficie que ocupará este equipamento será practicamente de 400 metros
cadrados. O edificio ten unha única planta, na que hai un porche de 92
metros cadrados, ten tamén un semisótano de 35,15 metros cadrados e ao
seu carón haberá un porche cuberto de 62,67 metros cadrados. Contará con
tres aulas: unha para nen@s de 0 a 1 anos, outra para nen@s de 1 a 2
anos e outra para nen@s de 2 a 3 anos. Tamén disporá dunha aula de
carácter mixto, dunha sala de usos múltiples de 54 metros cadrados
metros cadrados, de comedor, de sala de aseo, de cociña, de despensa, de
lavandería e demais dependencias obrigatorias segundo a lexislación
vixente dentro dunha instalación coma esta”.
O alcalde subliñou que “o pasado 28 de xullo procedeuse a asinar a acta de ocupación cos donos, ata o momento, do solar onde se
ubicará a nova escola infantil. E o día 29 de xullo celebramos unha sesión
extraordinaria da xunta de goberno local para concederlle a licenza de
obra ao Consorcio de Servizos Sociais, xa que xunto co proxecto a
administración autonómica ven de remitir a solicitude de concesión de
licenza de obra. O Concello a finais de xullo comunicoulle á Xunta de
Galicia todas estas cuestións de carácter administrativo para que a
administración autonómica poña en marcha a construción desta segunda
escola infantil de Burela”.
Diana Durán, Concelleira de Servizos Sociais, indicou que “nós asumimos no seu día dotar a
Burela dunha nova escola infantil. A actual está ao tope de
ocupación, ten 120 prazas e todas estas cubertas. Ademais hai lista de agarda, que este ano é, por agora, de 21 nen@s. Hai pais e nais que non pre
matriculan aos seus fillos e fillas na escola infantil de Burela porque saben que
poden quedar fóra e evitan esa posibilidade”. Durán subliñou que “a
poboación de Burela segue a medrar, Burela segue a ser un dos Concellos
coa media de idade máis baixa e ao seguir medrando é lóxico que o
equipo de goberno pense en ampliar os servizos xa existentes. A ninguén
se lle escapa tampouco a conciliación da vida familiar e laboral, cunha
nova gardería 41 familias poderán deixar aos seus fillos e fillas nunha escola
infantil pública, e poderán traballar e conciliar a vida laboral e
familiar. Deste xeito asentamos poboación en Burela, os/as cidadáns
buscamos para vivir aqueles sitios onde máis comodidades e máis servizos
podemos ter”.
González Barcia engadiu que “con este novo servizo Burela
converterase nun dos poucos concellos que conta con dúas escolas
infantís públicas, dependentes da Xunta. E ao mesmo tempo que asentamos
poboación xeramos postos de traballo, e xeramos postos de traballo con
esta nova escola infantil durante a súa construción, que durará uns 7 ou
8 meses, e despois da súa posta en funcionamento porque terá que haber
persoal cualificado para atender a eses 41 nenos e nenas que van usar a
nova escola infantil do noso concello”.
O Alcalde de Burela e a Concelleira de Servizos Sociais agardan e confían en que durante o mes de setembro
poidan dar comezo as obras.
González Barcia indica que “e así deste xeito que a xente vexa cos seus
propios ollos que aquelo que prometimos no seu día non era unha promesa
electoral, non era un acto máis de campaña, senón un compromiso serio e
rigoroso adquirido con Burela e que o estamos a cumprir. Nós sabemos
como se fan as escolas infantís, porque cando gobernamos na etapa anterior
fixemos a primeira fase da actual gardería e tamén a segunda fase desa
instalación, que me tocou rematar a min. Cando estivemos na oposición
pedímoslle ao bipartito burelés reiteradamente que puxera a disposición
da Xunta un solar para facer unha escola infantil como Deus manda. O
bipartito, co seu alcalde á cabeza, negouse e optaron por non facer
xestións para dotar a Burela dun servizo que é fundamental e que estamos
completamente seguros de que os cidadáns de Burela van agradecer”.
Etiquetas:
compromiso social,
Conciliación,
construir,
equipamento,
Escola Infantil,
Infancia,
instalación,
lexislación,
prazas,
proxectos,
traballo
Suscribirse a:
Entradas (Atom)