A Concellería de Servizos Sociais
de Burela organiza un ano máis, en colaboración co Centro de
Información ás Mulleres (CIM), o seu obradoiro de risoterapia. As persoas interesadas poden inscribirse na Casa do Concello en horario de 8:00 a
15:00 horas de luns a venres. O prazo para anotarse remata o 8 de
outubro e as prazas están limitadas a 20 participantes.
O curso impartirase entre o 9 de outubro e o 18 de decembro en horario de 20:00 a 22:00 horas na Aula de Familia, situada na Casa da Cultura de Burela.
O curso impartirase entre o 9 de outubro e o 18 de decembro en horario de 20:00 a 22:00 horas na Aula de Familia, situada na Casa da Cultura de Burela.
A Concelleira de Servizos Sociais, Muller, Igualdade e Sanidade de
Burela, Diana Durán, afirmou que “ademais de todas as actividades
programadas para colectivos específicos, como poden ser os/as nosos/as
maiores, a infancia, a muller, os colectivos que promoven a saúde,
etcétera, dende a Concellería de Servizos Sociais de Burela tamén
queremos achegar propostas para a poboación en xeral. Por iso ofertamos
actividades que mesturan o aspecto lúdico co o terapéutico”.
Durán engadiu que “neste sentido, dende o Concello estamos a
organizar este obradoiro de risoterapia, que tanto éxito tivo en
anteriores edicións e que terá lugar do 9 de outubro ao 18 de decembro.
Facémolo coa pretensión de poder aportar aos nosos veciños e veciñas unha
actividade lúdica que rompa coa rutina diaria e que axude a descargar as
tensións que acumulamos.”
No hay comentarios:
Publicar un comentario