Este venres, 5 de setembro, o Centro de Formación
Ocupacional do Concello de Burela, ubicado nas inmediacións do Parque de
Tíjola, acolleu dous cursos para persoas maiores de 55 anos sobre
novas tecnoloxías, que foron impartidos pola Deputación de Lugo.
Ditos cursos tiveron lugar pola tarde en horario de 16:00 a 20:30
horas. No centro estiveron o Concelleiro de Emprego, José Casas, a Concelleira de Servizos Sociais, Muller, Igualdade e Sanidade, Diana
Durán, e tamén o Deputado Provincial responsable de Innovación, Alfredo
Llano.
Casas e Durán sinalaron que “ao longo do ano houbo máis cursos
organizados en colaboración entre a institución provincial e o Concello
de Burela e dado o éxito dos mesmos entre as persoas participantes
agardamos que se realicen mais”, e así llo transmitiron ao deputado
provincial, agradecendo a colaboración entre ambas institucións.
No hay comentarios:
Publicar un comentario