O Alcalde de Burela e Presidente da Fundación Eu Son para persoas con discapacidade
intelectual, José Mª González Barcia, asina a quinta prórroga do
contrato para a reserva de prazas no centro ocupacional na modalidade de
concerto.
Segundo explica a Concelleira de Servizos Sociais, Diana Durán, “esta
prórroga prodúcese nas mesmas condicións que as do ano pasado. Terá unha
vixencia do 1 de xaneiro ao 31 de decembro de 2015. O número de prazas
concertadas coas que contará o centro ocupacional son 24 e para o
transporte 25”.
A edil popular subliña que “a achega que a Xunta lle concede á
Fundación Eu Son para o centro ocupacional é de 125.202 euros e para
transporte 44.700 euros. En total estamos a falar de máis de 169.000
euros. Estas importantes cifras permitirán a continuidade do servizo e
da contratación do persoal que atende cunha grande profesionalidade e
calidade ás persoas con discapacidade intelectual deste centro”.
No hay comentarios:
Publicar un comentario