O Concello de Burela puxo en marcha este mes de outubro o seu programa de autonomía persoal Axilmente. Nel,
participan un total de 40 persoas, maiores de 65 anos e empadroadas no
municipio, que poden gozar xa deste obradoiro de ximnasia mental en dúas
quendas.
As actividades desenvólvense na
Casa da Terceira Idade de Burela, de luns a xoves de 17 a 18h (dúas quendas) lugar ata o que se achegaron alcalde, José María González Barcia, e a concelleira de Servizos
Sociais, Diana Durán. Alí puideron coñecer de cerca como se está a levar
a cabo esta actividade de carácter gratuíto que busca favorecer o
envellecemento exitoso.
O programa Axilmente está organizado pola Concellería de Servizos
Sociais, Muller, Igualdade e Sanidade de Burela e levarase a cabo
durante os vindeiros 8 meses. Dende o Concello, recordan que o obxectivo deste
curso “é lograr unha boa estimulación cognitiva, que favoreza a
prevención da dependencia, e mellore a calidade de vida das persoas
maiores no seu día a día”.
A responsable de Servizos Sociais de Burela, Diana Durán, recordou
que “a intervención con maiores convértese non só nun obxectivo social,
senón nunha inversión de futuro. O fin último é previr a dependencia e
afrontar o envellecemento dende unha actitude positiva e aberta. Por
iso, levamos a cabo este obradoiro no que tratamos de dotar ás persoas
maiores das ferramentas necesarias para mellorar a súa calidade de vida,
tanto nos seus hábitos de coidado, coma nos ámbitos sanitarios e
cognitivos”.
No hay comentarios:
Publicar un comentario