SERVIZOS SOCIAIS DE BURELA LEMBRA QUE ESTÁ ABERTO O PRAZO DE INSCRICIÓN NOS CAMPAMENTOS DE VERÁN DA XUNTA PARA MOZOS E MOZAS E PERSOAS CON DISCAPACIDADE

A Concellería de Servizos Sociais lembra que ata o 10 de abril está aberta a oferta de prazas xuvenís dentro do Programa Campaña de Verán – 2014 (Orde do 17 de marzo do 2014, DOGA nº 59 de 26 de Marzo de 2014 da Consellería de Traballo e Benestar). 

 

O obxectivo pasa por facilitarlle á mocidade galega a participación en actividades de tempo libre a través da oferta dun plan xeral de actividades que se desenvolverán tanto en Galicia como noutras comunidades autónomas, en diferentes quendas de entre unha semana e quince días de duración, durante os meses de xullo e agosto.

Persoas beneficiarias:

**Mozos/as nados/as no ano sinalado no anexo I para cada actividade. En canto á idade mínima e máxima para participar deberase ten en conta o seguinte:

-Os/as nados/as no ano 1996 non poderán facer 18 anos antes da finalización do campamento.

-Os/as nados/as no ano 2005 deberán ter feitos 9 anos ao inicio do campamento.

**Persoas con discapacidade: As persoas que teñan unha discapacidade igual ou superior ao 33% e inferior ao 65% poderán participar nesta convocatoria sempre:

-Teñan capacidade de integración nun grupo.

-As súas limitacións e/ou necesidades especiais deben permitirlles manexarse nas instalacións do campamento que elixan e participar e beneficiarse das actividades que nel se van a desenvolver.

Documentación:

A solicitude pode ser individual ou múltiple (no suposto de grupos de ata catro irmáns). Cada persoa interesada só poderá cubrir unha solicitude e un máximo de cinco quendas ou actividades por solicitude.

-Procedemento xeral: Solicitude individual (anexoII) / Solicitude múltiple (anexo III).

-Procedemento das prazas reservadas para inclusión (exclusivamente para os campamentos e quendas que se inclúen no anexo I B) Solicitude individual (anexo IV) / Solicitude múltiple (anexo V). 

As persoas solicitantes con discapacidade deben optar por unha destas dúas vías, de xeito que quedarán excluídas no suposto de que presenten a solicitude por ambos procedementos. 

Para máis información e trámite, os interesados deberán dirixirse ós Servicios Sociais Municipais, sitos na Casa do Concello, en horario de 8 a 15 horas, de luns a venres.