O Concello de Burela, a través
da Concellería de Servizos Sociais e Sanidade, celebra o vindeiro luns, 7 de
abril, o DÍA MUNDIAL DA SAÚDE e que este ano está dedicado á REFLEXOLOXÍA
entendida como medicina alternativa complementaria á medicina tradicional.
Diana Durán puntualiza que "a Reflexoloxía é unha técnica
terapéutica baseada na masaxe de zonas reflexas do cráneo e cara, columna
vertebral, mans e pes, onde se atopan as zonas representativas de todas as demais
partes do corpo, conectadas pola vía nerviosa. Esta técnica axuda
principalmente a aliviar o estrés, a mellorar as funcións de órganos e aparatos do corpo, calmar a dor, facilitar eliminación de toxinas,
prevención de enfermidades e disturbios da saúde, entre moitos outros
beneficios. Tamén, resulta ser eficaz como complemento de tratamentos
específicos para diferentes enfermidades".
A edil popular fai fincapé en que "é importante saber que non substitúe o coidado
médico, pero con enerxía suficiente e desexos de recuperación, axudará en gran
medida".
A Concelleira de Servizos Sociais e Sanidade explica que a "Reflexoloxía pode ser aplicada desde nenos ata
adultos. Soamente non é recomendada cando se teñen problemas arteriais
importantes, feridas nos pes e enfermidades cardiovasculares".
Esta charla formativa será o
luns 7 de abril, ás 19:30, no Salón de Plenos da Casa do Concello a cargo da
Reflexóloga Puri Pinín.
No hay comentarios:
Publicar un comentario