A Concellería de Servizos Sociais
tramita as axudas dirixidas a mulleres vítimas de violencia de xénero da
Secretaría Xeral de Igualdade da Xunta. Éstas saíron publicadas no DOG o
pasado 28 de marzo.
Trátase de axudas dirixidas a mulleres que sofren violencia de xénero
e que se atopan nunha situación de dependencia económica do agresor que
as obriga á convivencia e lles impide afrontar o seu futuro con
independencia dos seus agresores.
Segundo explica Diana Durán “a finalidade destas axudas é
proporcionarlle apoio económico ás mulleres que sofren violencia de
xénero para tentar garantirlles unhas condicións suficientes de
independencia económica respecto do agresor que lles posibilite dar o
primeiro paso ou consolidar a ruptura dunha situación na que corren
perigo”.
O prazo de solicitude destas axudas rematará o 31 de outubro de 2014 e
poden solicitalas no Centro de Información ás Mulleres (CIM) de Burela
en horario de 8 a 15 horas de luns a venres.
A contía da axuda
establecerase en función dos ingresos da solicitante, e poden oscilar
dende os 300 ata os 800 euros por mes, segundo o caso.
No hay comentarios:
Publicar un comentario