O Concello de Burela tramita as
axudas a emprendedores/as para persoas emigrantes retornadas. As persoas interesadas poden
recibir información e asesoramento sobre ditas axudas de luns a venres
de 8 a 15 horas, tanto no Servizo de Atención a Inmigrantes e a Emigrantes Retornados como no propio Servizo de Emprego Municipal, a
través da Bolsa de Emprego.
Desde a Concellería de Servizos Sociais e Igualdade lembran que “no ano 2013 a
Secretaría Xeral de Emigración puxo en marcha unha medida de apoio aos
galegos e galegas residentes no exterior, co fin de favorecer o seu
retorno a Galicia de modo que puidesen fixar aquí a súa residencia e
realizar a súa actividade profesional e empresarial nesta comunidade
autónoma”.
Dando continuidade a esa iniciativa, con data de 26 de
febreiro de 2014, no DOG publicouse a resolución pola que se aproban as
bases reguladoras destas subvencións destinadas a promover o autoemprego
e a actividade emprendedora deste colectivo.
O prazo de presentación de solicitudes para acollerse a estas
subvencións da Secretaría Xeral da Emigración para persoas emigrantes retornadas
emprendedoras estará aberto ata o vindeiro 30 de setembro.
No hay comentarios:
Publicar un comentario