O Concello de
Burela organiza unha xornada baixo o título "Novas perspectivas no Servizo
de Axuda no Fogar: presente e futuro". Celebrarase o vindeiro mércores, 30
de abril, de 10 a
12 horas no salón de plenos municipal.
A asistencia é
gratuíta e as persoas interesadas en participar deben inscribirse a través da
bolsa de emprego, no teléfono982.58.16.30 ou por medio do correo
electrónico emprego@burela.org.
A xornada será
inaugurada ás dez da mañá polo terceiro tenente de alcalde e concelleiro de
Economía, Facenda, Emprego e Industria en Burela, José Casas Martínez, quen
presentará as relatoras. A continuación intervirán as ponentes, que son a
segunda tenente de alcalde e concelleira de Servizos Sociais, Muller, Igualdade
e Sanidade en Burela, Diana Durán García; a traballadora social e responsable
do Servizo de Axuda no Fogar (SAF) do Concello de Burela, Dolores Rodríguez
Moreda; e a traballadora social coordinadora do programa do SAF en Burela, da
empresa Centro Clínico Ribadeo SL, Yolanda Pérez Rey.
Despois das
tres charlas haberá unha mesa redonda aberta a intervencións de todos os
participantes e a clausura da xornada está programada para as doce do mediodía.
No hay comentarios:
Publicar un comentario