O salón de plenos acolleu este venres a entrega de premios aos gañadores dos concursos de Lemas e de Debuxo-Pintura para a eliminación da discriminación racial, que convocou a Concellería de Servizos Sociais, Muller, Igualdade e Sanidade a través do Programa de Atención a Inmigrantes.
A gañadora do I Concurso de Lemas foi Carla Fra García de 12 anos de idade do CEIP Virxe do Carme polo lema “Burela en igualdade, Burela calidade”. No caso do I Concurso de Debuxo-Pintura os gañadores foron Iria Calvo Fernández, de 8 anos de idade do CEIP Vista Alegre, e Kemer Monteiro da Costa, tamén de 8 anos de idade e do CEIP Virxe do Carme.
Na categoría especial os gañadores foron o debuxo común realizado pola Asociación de axuda ó Enfermo Mental A Mariña e o de Ángeles Cao Fernández da Fundación Eu Son.
Diana Durán deulles as grazas a todos por participar na convocatoria e animóunos a seguir loitando para conseguir unha sociedade que conviva en igualdade e na que non exista a discriminación racial.
No hay comentarios:
Publicar un comentario