Burela oferta gratis a técnica do doutor Knapp contra a dor de columna
As clases terapéuticas, que se imparten en Santiago e A Coruña, tamén chegarán ao municipio en febreiro
Os exercicios da chamada Escola de Columna,
patentada polo doutor Knapp e en cuxo método, segundo explícase na
páxina web oficial, «obtéñense hoxe resultados tan positivos no
tratamento -non cirúrxico- das dores de costas», poderán practicarse en
Burela de forma totalmente gratuíta para os seus veciños xa que a
delegación municipal de Servizos Sociais que leva a edila Diana Durán
conseguiu que as mesmas clases que na actualidade se están impartindo en
cidades galegas como Santiago ou A Coruña tamén poidan beneficiar aos
burelenses.
De feito, este tipo de curso con fins
terapéuticos e preventivos, a Escola de Columna, «unha selección moi
especial de exercicios que procuran rehabilitar as estruturas que máis
sufriron a falta de movemento» e unha vez que se conseguiu eliminar a
dor, levarán a cabo na Aula de Familia da Casa da Cultura de Burela.
A concelleira burelense sinalou que o vindeiro
luns, día 27, abrirá o prazo de inscrición nesta iniciativa e pechará o 6
de febreiro. A Escola de Columna comezará a nivel local, gratuíta e
para empadroados no municipio, o día 10 de febreiro cunha reunión
informativa á que convocarán aos inscritos, ás 13.00 horas.
Haberá tres grupos en funcionamento, martes de
10.15 a 11.15, mércores de 19.00 a 20.00 e mércores de 20.00 a 21.00.
Impartirá as clases unha profesional discípula do doutor Knapp.
No hay comentarios:
Publicar un comentario