O “Programa Preescolar
na Casa - Educar en Familia” deixou de ofertarse no noso pobo, entre outras
localidades. É por isto, que o Concello de Burela a través da Concellería de Servizos Sociais, Muller,
Igualdade e Sanidade aposta pola continuidade deste programa, creando o
espazo educativo AULA JUNIOR, co fin de seguir dando cobertura ás familias de
nenos e nenas de menos de tres anos, cumprindo co compromiso deste Goberno Local que prioriza en todo
momento os Servizos Sociais en todos os seus ámbitos.
AULA JUNIOR é un programa de carácter
gratuíto, dirixido ás familias que teñen nenos e nenas de idades
comprendidas entre os 0 e os 3 anos, querendo así acompañar ás nais e pais na labor de
educadores/as e axudarlles a resolver calquera dúbida que se lles presente na
crianza dos seus fillos e fillas.
Tanto se o fillo ou filla asisten á
escola infantil como se non, pódese participar xa que é un programa de Formación
de Nais e Pais. Ademais, este ano ten varias particularidades; pasará de
ser un programa quincenal a prestarse todas as semanas (mañá ou tarde) e nestas
reunións a presencia das nais e pais é vital, desenvolvendo actividades axeitadas a cada
idade nas que o obxectivo é difundir unha cultura da infancia e reforzar a
competencia educativa familiar promovendo espazos educativos nos que se
acompaña á familia na aventura de medrar e no desafía de educar. Así mesmo,
AULA JUNIOR terá continuidade durante todo o ano 2013, agás na época estival, é
dicir, levarase a cabo de febreiro a maio e de setembro a decembro.
O programa desenvólvese na "Aula de Familia" sita na planta baixa da Casa da Cultura.
AULA JUNIOR está a ter tal acollida por parte das familias, que na súa primeira quincena xa se ve incrementado nun cuarto grupo, podendo as familias adaptar os horarios de mañá ou tarde, segundo as súas necesidades.
AULA JUNIOR está a ter tal acollida por parte das familias, que na súa primeira quincena xa se ve incrementado nun cuarto grupo, podendo as familias adaptar os horarios de mañá ou tarde, segundo as súas necesidades.
No hay comentarios:
Publicar un comentario