Un total de
256 mulleres acudirán durante a tempada 2013/14 aos cursos de tempo libre que
organiza a Concellería de Muller e Igualdade de Burela, a través do CIM.
Segundo explicou
Diana Durán “o prazo de inscrición rematou o pasado venres e foron 256 as
mulleres que se anotaron para participar nas nosas propostas. 81 acudirán a
manualidades, 67 a
bolillos e 108 a
bordado. Aínda sendo moi elevado o número de inscricións, as prazas ofertadas
son máis que as demandadas, polo que aquelas mulleres que se animen poderán
inscribirse ao longo do curso, sempre e cando existan prazas dispoñibles. O que
poden facer para clarexar as dúbidas que podan ter é contactar co Centro de
Información ás Mulleres no 982 58 06 09 ou achegarse por alí persoalmente”.
A edil popular
subliñou que “nesta tempada 2013/14 verase reforzada a intensidade dos cursos
cun mes máis de duración. Comezarán o 4 de novembro e rematarán en maio. Serán
sete meses en total, cando antes eran seis. A exposición de fin de cursos cos
traballos realizados está programada para o mes de xuño”.
No hay comentarios:
Publicar un comentario