Dende o PROGRAMA DE ATENCIÓN A
INMIGRANTES da Concellería de Servizos
Sociais, Muller, Igualdade e Sanidade do Concello de Burela, como socio do FONDO
GALEGO DE COOPERACIÓN E SOLIDARIEDADE e en colaboración coa ONG UNICEF,
queremos apoiar a iniciativa do Fondo Galego de divulgar e sensibilizar á poboación
da realidade social do mundo que nos rodea.
No mes de outubro celébrase en
moitos países europeos a semana contra a pobreza e aquí en Galicia, gracias á
axuda das diferentes ongs, podemos dar a coñecer distintas visións sobre o
desenvolvemento socioeconómico e a grande diversidade de situacións que se dan
no mundo actual.
Dende o Concello de Burela, eliximos
a exposición titulada “Nutrición e desenvolvemento. Dereitos da infancia”, un
conxunto de 17 paneis. Nesta ocasión, debido á
temática da citada exposición, quixemos implicar ás farmacias e parafarmacias
do noso pobo, así como ao Centro de
Saúde. Así, dende esta fin de semana ata o día 21 de outubro estarán expostos
na Farmacia O Parque, Farmacia Fraiz e Ortofarma Burela e dende esta data ata o
11 de novembro estará a exposición completa no edificio do Centro de Saúde.
Queremos agradecerlles ás
participantes nesta iniciativa a súa implicación e colaboración con nós, así
como animar ao público en xeral a súa visualización.
No hay comentarios:
Publicar un comentario