O Alcalde, José Mª González Barcia,
e a Concelleira, Diana Durán, agradecen a visita cursada a Burela pola Secretaria Xeral de Igualdade,
Susana López Abella, que mantivo un encontro con colectivos de mulleres
para explicarlles o PROGRAMA EMEGA da Xunta de Galicia.
O rexedor dixo que “Susana López Abella veu explicar as
características e as liñas xerais de actuación do Programa Emega aos
colectivos de mulleres que hai aquí en Burela e tamén ás mulleres que
figuran na nosa bolsa de emprego. Trátase do plan que puxo en marcha a
Xunta para aquelas mulleres emprendedoras que queiran arrincar con algún
negocio de xeito autónomo. O que se pretende é buscar fórmulas que palíen o paro
que vive o sector feminino, é dicir, buscar fórmulas para a inserción
laboral da muller mediante o auto emprego ou actividades semellantes”.
Para González Barcia e Durán “é unha satisfacción que Susana López Abella
teña elixido Burela para explicar as condicións do Plan Emega, tendo en
conta que somos un concello cun importante tecido socioeconómico e tendo
en conta tamén que a Secretaria Xeral de Igualdade ten especial
sensibilidade co noso Concello. Ela, na medida das súas posibilidades,
atende sempre as peticións que lle formulamos dende aquí, desde a Área
de Muller e Igualdade. O ano pasado o Centro de Información á Muller
tivo unha axuda por parte da súa Secretaría Xeral do 98% do importe
total que se podía subvencionar. Nós pedimos 45.000 euros e nos deron
44.100 euros e iso é unha cifra importante para nosoutros”.
Ao alcalde burelés tamén lle parece positivo que visite o centro San
Aníbal, “porque dito centro é un exemplo do que debe ser a contribución
das institucións non políticas nin administrativas en materia de
servizos sociais. Si o Orde do Divino Celo se tivera que marchar de
Burela teríamos un serio problema en canto á prestación de servizos
sociais porque o traballo que elas están a facer o Concello non o
podería abordar. Agradecemento dobre a Susana López Abella por vir a
Burela e a esta congregación relixiosa por la aportación que están a
facer tan importante en materia de servizos sociais para Burela e para
toda a comarca”.
No hay comentarios:
Publicar un comentario