A Concellería de Servizos Sociais incrementa as
actividades relacionadas co seu Programa
de Prevención do Absentismo Escolar. Hoxe luns, 8 de xullo, dará
comezo unha Escola de nais e pais.
O programa de
educación familiar da Concellería de Servizos Sociais, Muller, Igualdade e
Sanidade leva a cabo durante todo o ano o Programa
de Prevención do Fracaso e do Absentismo Escolar que conta con varias
actividades como son:
-a orientación e o asesoramento a familias e rapaces e rapazas
durante todo o ano,
-a coordinación cos centros educativos e outros axentes sociais
e de emprego e a participación no protocolo do absentismo escolar desenvolto
pola Consellería de Educación, a Deputación de Lugo e algúns Concellos de Lugo.
“Debido ao grande éxito
que están tendo estas iniciativas no equipo do goberno decidimos crear outras
tanto para a época estival como para a época dos exames de recuperación en
setembro”, explica a edil Diana Durán.
A actividade do
verán será a Escola de Nais e Pais, “un taller no que se tratarán temas como as
funcións parenterais, a prevención do fracaso escolar e do abandono prematuro
da escola, as causas e consecuencias do absentismo escolar, estratexias de
motivación para o estudio, etcétera”, dixo a concelleira de Servizos Sociais. Esta escola levarase a cabo os días 8,15, 22 e
29 de xullo e 5 de agosto en horario de 12 a 14 horas na Casa do Concello.
E en setembro, o
protagonista será un Obradoiro de Técnicas de Estudo, aprendizaxe e motivación
dirixido sobre todo a rapazas e rapaces estudantes de ESO e PCPI ou que estean
preparando algunha proba para a obtención do título en ESO, probas de acceso ou
exames de recuperación. Realizarase do 2 ao 6 de setembro en horario de 12 a 14 horas na Casa do
Concello.
Os mozos, mozas e nais/pais que precisen máis información poderán chamar ás Oficinas de Información do
Concello ao teléfono 982 58 60 00 e preguntar por Noelia Legaspi, a educadora familiar.
No hay comentarios:
Publicar un comentario