AULA JUNIOR de Burela despediuse ata a tempada que vén cunha festa na que participaron todos os nenos e nenas que asistiron ao programa, acompañados polas súas nais e pais.
O Concello de Burela impulsa esta inciativa coa intención de suplir o desaparecido programa de Preescolar Na Casa. A Concelleira de Servizos Sociais, Diana Durán, afirma que "a valoración é moi positiva, xa que houbo que facer mais grupos dos existentes nun principio e, ademais, duplicaronse as sesións, de forma que todas as persoas participantes puideron acudir unha vez por semana, mellorando o anterior, que se prestaba unha vez cada 15 días".
A edil popular tamén resalta a temporalidade de Aula Junior, que pasa a ser durante todo o ano agás na época estival.
Na tarde de onte houbo unha merendola na Praza de Abastos mui animada, onde a xuntanza foi entre pais e nenos e nenas de todos os grupos, xunto á monitora responsable de impartir o programa.
No hay comentarios:
Publicar un comentario