Hoxe, venres 10 de maio, ás 18:30 horas, terá lugar a inauguración da
exposición dos traballos realizados nos cursos de tempo libre que
organizou o Centro de Información ás Mulleres de Burela durante a
tempada 2012-2013. Será na sala de exposicións da Casa da Cultura.
A Concelleira de Servizos Sociais, Diana Durán, lembrou que “os
cursos impartidos foron manualidades, bordado e bolillos e aos que
acudiron 200 mulleres. Nos mesmos traballaron cinco profesoras, dúas do
bordado, dúas de bolillos e unha de manualidades”.
Na inauguración tamén se expoñerá un vídeo realizado de forma
altruísta, sobre os traballos feitos polas alumnas. A autora é Antonia
Fernández Rivas, á que a Concelleira de Servizos Sociais, Muller,
Igualdade e Sanidade lle agradece “unha vez mais a súa colaboración co
Concello de Burela; así mesmo, agardamos que para o vindeiro curso a
participación sexa tan alta como a deste ano”.
A exposición estará aberta ata o 25 de maio. E poderase visitar de
luns a venres en horario de 11 a 13 horas e de 18 a 20 horas. O sábado
11 de maio o horario tamén será de 11 a 13 horas e 18 a 20 horas e os
sábados 18 e 25 de maio só se visitará en horario de tarde de 18 a 20
horas.
No hay comentarios:
Publicar un comentario