BURELA PREVÉ MEDRAR A UN RITMO DE 125 VIVENDAS CADA ANO

PREVISIÓN PARA O 2050: 18.004 habitantes  

Crecemento poboacional: o Plan Xeral inclúe a proxección demográfica 

e a do parque de vivendas no Concello de Burela.                      

O PXOM ESTÁ A EXPOSICIÓN ATA O 8 DE MAIO. O Goberno popular explica o plan polos barrios, co obxectivo de informar en profundidade o amplo traballo desenvolvido polo equipo de técnicos que se resume no PXOM. Esta tarefa é complementaria ao asesoramento que xa prestan os técnicos no edicificio de Capitania Marítima, de luns a venres, de de 9.00 a 14.00 horas. O PXOM, aprobado inicialmente a principios de marzo, seguirá a exposición pública ata o 8 de maio, día en que conclua a exposición e a recollida de alegacións, que deben presentarse no rexistro municipal.

O Plan Xeral de Ordenación Municipal é a ferramenta que diseña o desenrolo urbanísticode Burela para as próximas décadas. O documento analiza a evolución do parque de vivendas, hoxe de 6.161, e fi xa en 9.911 as que haberá no horizonte do 2040. Tendo en conta a dinámica dos últimos dez anos, a previsión de crecemento é de 125 viviendas anuais. O PXOM establece unha capacidade residencial de 10.443. Os técnicos non pasan por alto a proxección demográfica.Si nol 2010 se contabilizaban 6.161 viviendas e 9.536 habitantes, o plan xeral contempla unha evolución progresiva e continua que levaría a contabilizar no 2030 8.661 viviendas e 13.103 habitantes, e 11.161 casas e 18.004 veciños/as vinte aos máis tarde.

En liñas moi xerais, o documento establece que a rede de servizos deberá mellorarse, atendendo así ao crecemento poboacional. A rede de saneamento está diseñada para tartar unha carga diaria de 14.700 habitantes, pero non será suficiente para atender a demanda futura, polo que será necesario ampliar a EDAR. Atendendo ao PXOM non será necesario ampliar a rede de abastecemento; os depósitos e a planta de tratamento de auga contan cunha capacidade suficiente para facer frente ao desarrollo.

O plan contempla a dotación de chan para a ampliación do Hospital da Costa, identifica a carencia de zonas verdes e a necesidade de integrar os núcleos de Burela de Cabo, Vilar e Vila do Medio na malla urbana, conformando áreas históricas dentro de chan urbano. Os técnicos aconsellan priorizar a compactación da vila mediante operacións de reforma interior frente a novos desarrollo, proxectando no PXOM o futuro desenvolvemento dun cinturón de zonas verdes a carón do mar "tratando de ocultar as medianeiras e as traseiras das plantas baixas". Inclúese a mellora da fachada marítima e a reserva do chan industrial en zonas claramente diferenciadas: unha ligada ao chan urbano e as actividades locais e a outra na zona oeste do Concello, nas proximidades da futura autovía, asociada a actividades económicas de rango comarcal.