A MESA DE COORDINACIÓN POLICIAL EN BURELA INICIA O TRABALLO CONTRA A VIOLENCIA DE XÉNERO

O pasado venres, 15 de marzo, comezou a traballar, tras a súa constitución, a Mesa de Coordinación Policial para o establecemento das bases de colaboración entre a Policía Local, a Garda Civil e o Concello de Burela, no tocante ao seguimento dos casos de vítimas de violencia de xénero. Ao encontro asistiron representantes da Garda Civil e da Policía Local, a xefa da unidade contra a violencia sobre a muller da Subdelegación do Goberno en Lugo, a concelleira de Servizos Sociais, Diana Durán, a avogada do Centro de Información ás Mulleres e tamén o alcalde, José Mª González Barcia.